അക്ഷരക്കൂട്ട്: സിഎംഎസ് മലയാളം പൂര്‍വ്വവിദ്യാര്‍ത്ഥി സമ്മേളനം

കോട്ടയം: സിഎംഎസ് കോളജ് മലയാളവിഭാഗത്തിലെ പൂര്‍വ്വവിദ്യാര്‍ത്ഥികളുടെ സമ്മേളനം, നിറക്കൂട്ട്, മാര്‍ച്ച് 1-ന് കോളജ് ഗ്രേറ്റ്ഹാളില്‍ നടക്കും. രാവിലെ 9.30-ന് രജിസ്‌ട്രേഷനോടുകൂടി സമ്മേളനപരിപാടികള്‍ ആരംഭിക്കും. 11.30-ന് ചേരുന്ന പൊതുസമ്മേളനം പി. ആര്‍. രവികുമാര്‍ ഐ.ആര്‍.എസ്. ഉദ്ഘാടനം ചെയ്യും. സുരേഷ്‌കുറുപ്പ് എംഎല്‍എ. മുഖ്യാതിഥി ആയിരിക്കും. പ്രിന്‍സിപ്പല്‍ ഡോ. റോയി സാം ഡാനിയേല്‍ അധ്യക്ഷത വഹിക്കും. യോഗത്തില്‍ പ്രൊഫ. സി.എ. ഏബ്രഹാം, പ്രൊഫ. കോരുള ഐസക്ക്, ഡോ. സാമുവല്‍ നെല്ലിമുകള്‍, ഡോ. ചേരാവള്ളി ശശി, ഡോ. സി. ശ്രീകണ്ഠകുറുപ്പ്, പ്രൊഫ. ഇ. എന്‍. കേരളവര്‍മ്മ, ശങ്കരന്‍നമ്പൂതിരി റ്റി.വി., ഡോ. ബാബു ചെറിയാന്‍, ശ്രീമതി. മിനി മറിയം സഖറിയ, അഡ്വ. എ. ഹാരിസ് എന്നിവര്‍ സംസാരിക്കും. ഡീസി-സി.എം.എസ്. ഇന്റര്‍കൊളീജിയറ്റ് സംസ്‌കാരജാലകം വിജ്ഞാനപരീക്ഷയില്‍ വിജയികളായവര്‍ക്ക് പി.ആര്‍. രവികുമാര്‍ ഐ.ആര്‍.എസ്. സമ്മാനം നല്‍കും. സമ്മേളനാനന്തരം വിദ്യാര്‍ത്ഥികള്‍ അവതരിപ്പിക്കുന്ന വിവിധ കലാപരിപാടികള്‍ ഉണ്ടായിരിക്കും.