ചേര്‍ത്തല: ചേര്‍ത്തല നഗരത്തില്‍ വീട്ടില്‍ നിന്ന് പതിനഞ്ചു പവന്‍ സ്വര്‍ണാഭരണങ്ങളും വിദേശ കറന്‍സി ഉള്‍പ്പെടെ പതിനായിരം രൂപയും മോഷ്ടിച്ചു. നഗരസഭ 19-ാം വാര്‍ഡ് ലക്ഷ്മിനിവാസില്‍ വിശ്വനാഥന്‍നായരുടെ വീട്ടില്‍ നിന്ന് ശനിയാഴ്ച പുലര്‍ച്ചെ രണ്ടരയോടെയാണ് മോഷണം നടന്നത്. സമീപത്തെ നാലോളം വീടുകളിലും മോഷണ ശ്രമം നടന്നിട്ടുണ്ട്.
വിശ്വനാഥന്‍നായരുടെ മരുമകള്‍ രാത്രിയില്‍ വീടിനുപുറത്തുള്ള ബാത്ത്‌റൂമില്‍ പോയ സമയത്താണ് മോഷ്ടാവ് വീടിനകത്തെ ബഡ് റൂമില്‍ കയറി മേശപുറത്തുവെച്ചിരുന്ന അഞ്ചുപവനോളം വരുന്ന മാലയും അലമാരിയില്‍ സൂക്ഷിച്ചിരുന്ന മറ്റ് ആഭരണങ്ങളും അയ്യായിരം രൂപ വരുന്ന വിദേശ കറന്‍സി ഉള്‍പ്പെടെ പതിനായിരം രൂപയും കവര്‍ന്നെടുത്തത്. വിരലടയാള വിദഗ്‌ദ്ധരും ഡോഗ് സ്‌ക്വാഡും സ്ഥലത്തെത്തി പരിശോധന നടത്തി.
പ്രതികരിക്കാൻ ഇവിടെ എഴുതുക: