കാവുങ്കല്‍ ക്ഷേത്രത്തില്‍ വേലപ്പടയണി ഫെബ്രുവരി 22നും 23നും

മുഹമ്മ: കാവുങ്കല്‍ ദേവീ ക്ഷേത്രത്തില്‍ വേലപ്പടയണി ഫെബ്രുവരി 22നും 23നും നടക്കും. വടക്കേച്ചേരുവാരത്തോട് അനുബന്ധിച്ച് നടക്കുന്ന വടക്കുപുറം വേല 22നാണ്. അതോടൊപ്പം ഉത്സവ ഫ്‌ളോട്ടുകളും ദൃശ്യവിരുന്നൊരുക്കും. ശിവകുടുംബം, കഥകളി വേഷം, തെയ്യം, കാവടി എന്നിവയും വാദ്യമേളങ്ങളുടെ അകമ്പടിയോടെ മൂന്ന് ആനപ്പുറത്ത് ഭഗവതിയെ എഴുന്നള്ളിക്കുന്ന കാഴ്ചശ്രീബലിയും 22ന് നടക്കും. രാവിലെ ഏഴിന് ദീപാരാധന, ആകാശക്കാഴ്ചകള്‍, ഗാനമേള, നാടകം, പള്ളിവേട്ട എന്നിവയും നടക്കും. തെക്കേച്ചേരുവാര ദിവസമായ ഫെബ്രുവരി 23ന് വേലപ്പടയണിയിക്ക് ശേഷം ഉത്സവ ഫ്‌ളോട്ടുകളും ദൃശ്യകലാരൂപങ്ങളും ആകാശ വര്‍ണക്കാഴ്ചകളും കോമഡി മെഗാഷോയും അരങ്ങു കൊഴുപ്പിക്കും.