ചേര്‍ത്തല: പോലീസ് കസ്റ്റഡിയിലെടുത്തയാള്‍ക്ക് സ്റ്റേഷനില് നിന്നിറങ്ങി ഓടുന്നതിനിടെ ലോറിയിടിച്ച് ഗുരുതര പരിക്ക്. പട്ടണക്കാട് സ്വദേശി അനൂപി (28)നെയാണ് തലയ്‌ക്ക് പരിക്കേറ്റ് വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുന്നത്.
ഫെബ്രുവരി 21ന് വൈകിട്ട് ചേര്‍ത്തല പോലീസ് സ്‌റ്റേഷനിലായിരുന്നു സംഭവം. നഗരത്തിലെ ഇരുചക്രവാഹന വില്‍പ്പനശാലയിലെ ജീവനക്കാരനായിരുന്ന അനൂപും സ്ഥാപനത്തിലെ മറ്റ് ജീവനക്കാരുമായി സാമ്പത്തിക ഇടപാട് സംബന്ധിച്ച് തര്‍ക്കമുണ്ടാവുകയും പിന്നീട് ഇവരെ സ്‌റ്റേഷനിലെത്തിക്കുകയുമായിരുന്നെന്ന് ചേര്‍ത്തല എസ്‌ഐ: ഇ.ഡി. ബിജു പറഞ്ഞു. ചര്‍ച്ച നടക്കുന്നതിനിടെ ഇറങ്ങിയോടിയ അനുപിനെ ദേശീയപാതയിലൂടെ വന്ന ലോറി ഇടിക്കുകയായിരുന്നു. താലൂക്ക് ആശുപത്രിയിലെത്തിച്ച ശേഷം ഇയാളെ വണ്ടാനം മെഡിക്കല്‍ കോളേജ് ആശുപത്രിയിലേക്ക് മാറ്റി.
പ്രതികരിക്കാൻ ഇവിടെ എഴുതുക: