ഹ്യൂണ്ടായ് 4എസ് ഫ്‌ളൂയിഡിക് വെര്‍ണ വിപണിയില്‍

കൊച്ചി: ഹ്യൂണ്ടായ് വെര്‍ണയുടെ പുതിയ മോഡലായ 4 എസ് ഫ്‌ളൂയിഡിക് വെര്‍ണ വിപണിയിലിറക്കി. പ്രീമിയം കാര്‍ ഉല്‍പാദകരെന്ന നിലയ്‌ക്ക് ലോകത്തെമ്പാടുമുള്ള ഇടപാടുകാരുടെ സ്‌നേഹവും വിശ്വാസ്യതയും നേടിത്തന്ന കാറാണ് 4എസ് ഫ്‌ളൂയിഡിക് വെര്‍ണയെന്ന് ഹ്യൂണ്ടായ് മോട്ടോര്‍ ഇന്ത്യ ലിമിറ്റഡ് മാനേജിങ് ഡയറക്റ്റര്‍ ബി.എസ്. സിയോ പറഞ്ഞു.

4 എസ് ഫ്‌ളൂയിഡിക് വെര്‍ണയുടെ പെട്രോള്‍, ഡീസല്‍ മോഡലുകള്‍ ലഭ്യമാണ്. പട്രോള്‍ മോഡലുകള്‍ക്ക് 17.01 കിലോമീറ്റര്‍ മുതല്‍ 17.4 കിലോ മീറ്റര്‍ വരെയും ഡീസല്‍ മോഡലുകള്‍ക്ക് 23.9 കിലോ മീറ്റര്‍ മുതല്‍ 24.8 കിലോമീറ്റര്‍ വരെയും മൈലേജ് ലഭിക്കുമെന്ന് കമ്പനി പറയുന്നു.