രാധാകൃഷ്ണന്‍ മംഗലത്ത് സംവിധാനം ചെയ്യുന്ന സ്വപ്‌നത്തേക്കാള്‍ സുന്ദരം എന്ന ചിത്രത്തില്‍ ഭാവന നായിക. ഒമ്പതുവയസ്സുള്ള ആണ്‍കുട്ടിയുടെ അമ്മ വേഷത്തില്‍ ഭാവനയെ ഈ ചിത്രത്തിലൂടെ കാണാം.
പ്രശസ്ത തമിഴ് നടന്‍ ശ്രീകാന്താണ് ചിത്രത്തില്‍ നായകന്‍. ഗ്രാമീണയായ പെണ്‍കുട്ടിക്ക് നഗരത്തിലേക്ക് വിവാഹിതയായി പോകേണ്ടിവരുമ്പോള്‍ നഗരത്തില്‍ ഭര്‍ത്താവിന്റെ ജീവിതശൈലിയുമായി പൊരുത്തപ്പെടാനാവാതെ അവിടെ നേരിടേണ്ടിവരുന്ന വെല്ലുവിളികളാണ് ചിത്രത്തിന്റെ പ്രമേയം.
അനു എന്ന കഥാപാത്രത്തെയാണ് ഭാവന അവതരിപ്പിക്കുന്നത്. രാഹുല്‍ എന്നാണ് ശ്രീകാന്തിന്റെ കഥാപാത്രത്തിന്റെ പേര്. ഇവരുടെ മകനായി ഗൗരവ് മേനോന്‍ വേഷമിടുന്നു. അര്‍ച്ചന കവി, കല്‍പന, വിജയരാഘവന്‍, ഇന്ദ്രന്‍സ് തുടങ്ങിയവരാണ് മറ്റുതാരങ്ങള്‍. കൃഷ്ണ പൂജപ്പുരയുടേതാണ് കഥ.
പ്രതികരിക്കാൻ ഇവിടെ എഴുതുക: