എഡ്യുക്കേഷന്‍ ലോണിനുശേഷം മോനി ശ്രീനിവാസന്‍ സംവിധാനം ചെയ്യുന്ന പുതിയ ചിത്രം ”തേരോട്ട” ത്തിന്റെ പൂജ കഴിഞ്ഞു.
തിരുവനന്തപുരം വൈ.എം.സി.എ. ഹാളില്‍ നടന്ന ചടങ്ങില്‍ ഗവണ്‍മെന്റ് ചീഫ് വിപ്പ് പി.സി.ജോര്‍ജ്ജ് ഭദ്രദീപത്തിനു തിരിതെളിച്ച് ഉദ്ഘാടനം നിര്‍വ്വഹിച്ചു. ബാലു കിരിയത്ത്, ടി.എസ്.സുരേഷ്ബാബു, രജപുത്ര രഞ്ജിത്ത്, ചലച്ചിത്ര നിര്‍മ്മാതാവ് ബി.രാകേഷ്, ബി.ജെ.പി.നേതാവ് രാജേഷ്, സാഹിത്യകാരനും നടനുമായ ബി.ഹരികുമാര്‍ എന്നിവര്‍ ആശംസകളര്‍പ്പിച്ച് സംസാരിച്ചു.
മണ്‍മറഞ്ഞ അതുല്യനടന്‍ മാള അരവിന്ദനെ അനുസ്മരിച്ചു തുടങ്ങിയ ചടങ്ങില്‍ പി.സി.ജോര്‍ജ്ജ് ക്ലാപ്പ് ബോര്‍ഡ് മോനി ശ്രീനിവാസനെ ഏല്‍പ്പിച്ച് അനുഗ്രഹിച്ചു. ഈശ്വര പ്രാര്‍ത്ഥനാ ഗാനമാലപിച്ചത് വീണയും കൃതജ്ഞതയര്‍പ്പി ച്ചത് ചിത്രത്തിന്റെ നിര്‍മ്മാതാവ് ബി.ഹരികുമാറുമായിരുന്നു. പ്രോഗ്രാമിന്റെ അവതാരകന്‍ കവിയും നടനുമായ കാര്യവട്ടം ശ്രീകണ്ഠന്‍ നായരായിരുന്നു.
ഐശ്വര്യ ഫിലിംസിന്റെ ബാനറില്‍ നിര്‍മ്മിക്കുന്ന ‘തേരോട്ടം’, തിരക്കഥയും സംഗീതവും പായിപ്പാട് രാജു നിര്‍വ്വഹിക്കുന്നു. ഗാനരചന-ചുനക്കര രാമന്‍കുട്ടി, ബാലുകിരിയത്ത്, മോനി ശ്രീനിവാസന്‍, പ്രൊ:കണ്‍ട്രോളര്‍-കിച്ചി പൂജപ്പുര, ആലാപനം-പി.ജയചന്ദ്രന്‍, ബി.അരുന്ധതി, റിമിടോമി, ചാന്ദിനി ചേന്നനാട്, പി.ആര്‍.ഒ-അജയ് തുണ്ടത്തില്‍, റഹിം പനവൂര്‍, എഡിറ്റിംഗ്-വിഷ്ണു കല്യാണി, പ്രോജക്ട് കോ-ഓര്‍ഡിനേറ്റര്‍-സതീഷ് മരുതിങ്കല്‍, പ്രോജക്ട് ഡിസൈനര്‍ സാഗര്‍ലാല്‍ മൈത്രി, കല-രാജീവ് കൊഞ്ചിറവിള, സ്റ്റുഡിയോ-എച്ച്.ഡി. സിനിമാ കമ്പനി-എം.7 ന്യൂസ്, ചിത്രാഞ്ജലി.
പത്മശ്രീ മധു, ശ്രീജിത്ത് ശ്രീകുമാര്‍ (എഡ്യുക്കേഷന്‍ ലോണ്‍ ഫെയിം), സംസ്‌കൃതി ഷേണായി, ശ്രുതിലക്ഷ്മി, മീരാനായര്‍, ഇന്ദ്രന്‍സ്, ഇടവേള ബാബു, മാമുകോയ, ബ്രദേഴ്‌സ് മോഹന്‍, കാര്യവട്ടം ശ്രീകണ്ഠന്‍ നായര്‍, കെ.പി.എ.സി.ലളിത, പൊന്നമ്മ ബാബു, സുബ്ബലക്ഷ്മി, പത്മിനി തോമസ്, പാര്‍വ്വതി, സോണിയ മല്‍ഹാര്‍ എന്നിവരാണ് ചിത്രത്തിലെ അഭിനേതാക്കള്‍.
പ്രതികരിക്കാൻ ഇവിടെ എഴുതുക: