കോട്ടയം: പതിനൊന്ന് കുടുംബങ്ങളിലെ ഇരുപത്തിരണ്ടുപേര്‍ ഇന്നലെ സ്വധര്‍മ്മത്തിലേക്ക് മടങ്ങി. വിഎച്ച്പിയുടെ ആഭിമുഖ്യത്തില്‍ ചോഴിയക്കാട് ശ്രീകൃഷ്ണസ്വാമി ക്ഷേത്രത്തില്‍ നടന്ന ചടങ്ങിലാണ് പതിനാറ് പുരുഷന്മാരും ആറു സ്ത്രീകളുമടങ്ങുന്നവര്‍ ഹൈന്ദവ ധര്‍മ്മത്തിലേക്ക് മടങ്ങിയത്. ക്രി സ്ത്യന്‍ ചേരമര്‍, ക്രിസ്ത്യ ന് സാംബവര്‍, ലാറ്റിന്‍ കത്തോലിക്കര്‍ എന്നീ വിഭാഗങ്ങളിലുള്ളവരാണ് സ്വധര്‍മ്മത്തിലേക്ക് തിരിച്ചെത്തിയത്.
പാമ്പാടി, കുഴിമറ്റം, ചങ്ങനാശേരി, മലകുന്നം, കാ ഞ്ഞിരം എന്നിവിടങ്ങളില്‍ നിന്നുള്ളവരായിരുന്നു ഘര്‍വാപ്പസിയില്‍ പങ്കെടുത്തത്. ചടങ്ങുകള്‍ക്ക് വിഎച്ച്പി ധര്‍മ്മ പ്രസാര്‍ പ്രമുഖ് സുധിമംഗലംകുന്ന്, ജില്ലാ പ്രസിഡന്റ് ബാലചന്ദ്രന്‍ പിള്ള, സെക്രട്ടറി പി.കെ. ഗോപാലകൃഷ്ണന്‍, സേവാ പ്രമുഖ് കെ.പി. പ്രകാശ്, ഖജാന്‍ജി കെ.യു. ലക്ഷ്മണന്‍, സത്സംഗപ്രമുഖ് ഉണ്ണികൃഷ്ണന്‍, ധര്‍മാചാര്യ സമ്പര്‍ക്കപ്രമുഖ് കെ.എം. പൊന്നുണ്ണി, ധര്‍മ്മപ്രസാര്‍ പ്രമുഖ് മുരളി കൂരോപ്പട, ബജ്‌റംഗദള്‍ ജില്ലാ സഹ സംയോജകന്‍ പുഷ്പകുമാര്‍ മൂലേടം എന്നിവര്‍ നേതൃത്വം നല്‍കി. രാവിലെ പത്തിന് ആരംഭിച്ച് 12ന് സമാപിച്ച ചടങ്ങുകള്‍ക്ക് വിഎച്ച്പി അര്‍ച്ചക് പുരോഹിത് പ്രമുഖ് വിജയന്‍ വൈക്കം മുഖ്യകാര്‍മ്മികത്വം വഹിച്ചു.
പ്രതികരിക്കാൻ ഇവിടെ എഴുതുക: