കൊച്ചി: മലയാള സിനിമയിലെ യുവനടന്‍ ഷൈന്‍ ടോം ചാക്കോയെ മയക്കു മരുന്നുമായി കൊച്ചിയിലെ ഫ്ളാറ്റില് നിന്ന് പോലീസ് അറസ്റ്റു ചെയ്തു. ഷൈനിനൊപ്പം സഹസംവിധായികയായ ബ്ലെസിയും നാല് മോഡലുകളും പിടിയിലായി. അറസ്റ്റിലാകുമ്പോള്‍ തന്നെ ഇവര്‍ മയക്കുമരുന്ന് ഉപയോഗിച്ച നിലയിലായിരുന്നു.
പത്ത് ഗ്രാം കൊക്കെയ്‌നാണ് പിടിച്ചെടുത്തത്. ഇതിന് വിപണിയില്‍ പത്ത് ലക്ഷത്തിലധികം വില വരുമെന്ന് പോലീസ് വ്യക്തമാക്കി. കേരളത്തില്‍ ലഭിക്കാത്ത തരം ഒറിജിനല്‍ കൊക്കെയ്‌നാണ് പിടിച്ചെടുത്തതെന്നും പൊലീസ് അറിയിച്ചു. വൈദ്യപരിശോധനയ്‌ക്ക് വിധേയരാക്കിയതിന് ശേഷം ഇവരെ കോടതിയില്‍ ഹാജരാക്കും.
തൃശൂരിലെ ശോഭാ സിറ്റിയില്‍ സെക്യൂരിറ്റി ജീവനക്കാരെ കാറിടിച്ചു കൊലപ്പെടുത്താന്‍ ശ്രമിച്ച കേസിലെ പ്രതി നിസാമിന്റെ കടവന്ത്രയിലെ ഫ്ലാറ്റില്‍ നിന്നാണ് ഷൈനിനെ പോലീസ് പിടികൂടിയത്. ഇതിഹാസ എന്ന സിനിമയില്‍ നായകന്‍ ഷൈനായിരുന്നു. പകിട, ഹാങ്‌ഓവര്‍, അന്നയും റസൂലും തുടങ്ങിയ സിനിമകളിലും വേഷമിട്ടു.
ദിവസങ്ങള്‍ക്ക് മുമ്പ് തന്നെ യുവനടനും സംഘവും മയക്കുമരുന്ന ഉപയോഗിക്കുന്നതായി പോലീസിന് വിവരം ലഭിച്ചിരുന്നു. ഇവര്‍ കടവന്ത്രയിലെ ഫ്ളാറ്റില് ഉണ്ടെന്ന് കൃത്യമായ വിവരം ലഭിച്ചതിന്റെ പശ്ചാത്തലത്തിലായിരുന്നു രാത്രി റെയ്ഡ് നടത്തിയത്.
പ്രതികരിക്കാൻ ഇവിടെ എഴുതുക: