ആലപ്പുഴ: തീവണ്ടിക്കുള്ളില്‍ സഹയാത്രികയെ അപമാനിച്ച ലീഗ് നേതാവിനെ പോലീസ് പിടികൂടി. മലപ്പുറം നിലമ്പൂര്‍ കാളികാവ് ചെങ്കോട്ട് കുപ്പനത്ത് വീട്ടില്‍ റഹ്മത്തുള്ള (39)യെയാണ് റെയില്‍വേ പോലീസ് പിടികൂടിയത്. ഇയാള്‍ മുസ്‌ലിം ലീഗിന്റെ പ്രാദേശിക നേതാവാണ്.
വെള്ളിയാഴ്ച പുലര്‍ച്ചെ ഒന്നരയോടെയാണ് സംഭവം. തിരുവനന്തപുരത്ത് നിന്നും ഷൊര്‍ണൂര്‍ വഴി നിലമ്പൂരിലേക്ക് പോകുന്ന രാജധാനി എക്‌സ്പ്രസിലെ എസ്-1 കോച്ചിലായിരുന്നു സംഭവം. തീവണ്ടി ചെങ്ങന്നൂര്‍ സ്‌റ്റേഷനില്‍ നിന്ന് വിട്ടശേഷം ഇയാള്‍ കമ്പാര്‍ട്‌മെന്റിലുണ്ടായിരുന്ന 46 വയസുകാരിയെ കടന്നുപിടിച്ച് അപമാനിക്കുകയായിരുന്നു.
ഇവര്‍ ബഹളം വച്ചതിനെ തുടര്‍ന്ന് സഹയാത്രികര്‍ ഇടപെട്ട് ഇയാളെ അടുത്ത കമ്പാര്‍ട്‌മെന്റിലുണ്ടായിരുന്ന റെയില്‍വേ പോലീസിനെ ഏല്‍പിക്കുകയായിരുന്നു. പിന്നീട് ചെങ്ങന്നൂര്‍ കോടതിയില്‍ ഹാജരാക്കിയ പ്രതിക്ക് ജാമ്യം നല്കി.
പ്രതികരിക്കാൻ ഇവിടെ എഴുതുക: