തിരുവനന്തപുരം : ആര്‍ച്ചുബിഷപ്പ് ബനഡിക്ട് മാര്‍ ഗ്രീഗോറിയോസിന്റെ ജന്മശതാബ്ദി ആഘോഷങ്ങള്‍ നാളെ ആരംഭിക്കുമെന്ന് മേജര്‍ ആര്‍ച്ച്ബിഷപ്പ് കര്‍ദ്ദിനാള്‍ മാര്‍ ബസേലിയോസ് ക്ലീമീസ് കാതോലിക്കാബാവാ,ബിഷപ്പ് സാമുവല്‍ മാര്‍ ഐറേനിയോസ് എന്നിവര്‍ വാര്‍ത്താസമ്മേളനത്തില്‍ പറഞ്ഞു.
മലങ്കര സുറിയാനി കത്തോലിക്കാസഭയുടെയും തിരുവനന്തപുരം മേജര്‍ അതിരൂപതയുടെയും ആഭിമുഖ്യത്തിലാണ് ആഘോഷങ്ങള്‍ നടക്കുക. ജന്മദിനമായ നാളെ മലങ്കര സുറിയാനി കത്തോലിക്കാസഭയിലെ എല്ലാ ദൈവാലയങ്ങളിലും കൃതജ്ഞതാബലി അര്‍പ്പിക്കും.
ബനഡിക്ട് മാര്‍ ഗ്രിഗോറിയോസിന്റെ കബറിടം സ്ഥിതിചെയ്യുന്ന പട്ടം സെന്റ് മേരീസ് കത്തീഡ്രില്‍ ദേവാലയത്തില്‍ മേജര്‍ ആര്‍ച്ചുബിഷപ്പ് കര്‍ദ്ദിനാള്‍ മാര്‍ ബസേലിയോസ് ക്ലീമീസ് കാതോലിക്കാബാവാ ദിവ്യബലി അര്‍പ്പിക്കും. ഒരു വര്‍ഷം നീണ്ടുനില്‍ക്കുന്ന ആഘോഷപരിപാടികളുടെ ഉദ്ഘാടനം 17 ന് രാവിലെ 10 ന് പട്ടം സെന്റ് മേരീസ് സ്‌കൂളില്‍ മുഖ്യമന്ത്രി ഉമ്മന്‍ചാണ്ടി നിര്‍വ്വഹിക്കും.
പ്രതികരിക്കാൻ ഇവിടെ എഴുതുക: