കാസര്‍കോട്:”രാഷ്‌ട്രീയ സ്വയംസേവക സംഘം കാസര്‍കോഡ് റവന്യൂ ജില്ലാ സാംഘിക് വിജയശക്തി സംഗമം നാളെ നടക്കും. സംഗമത്തിന്റെ അവസാനവട്ട ഒരുക്കങ്ങള്‍ പൂര്‍ത്തിയായി. വിദ്യാനഗര്‍ ഗവ. കോളേജ് മൈതാനത്ത് വൈകുന്നേരം 4.45ന് പൊതുപരിപാടി ആരംഭിക്കും.
6ന് സമാപിക്കും. പരിപാടിയില്‍ സംബന്ധിക്കാനെത്തുന്ന വാഹനങ്ങളുടെ പാര്‍ക്കിംഗ്, സഞ്ചലന കേന്ദ്രങ്ങള്‍ എന്നിവയ്‌ക്കുള്ള സംവിധാനങ്ങള്‍ പൂര്‍ത്തിയായി. പുതിയ ബസ്റ്റാന്റ് പരിസരം, ഉളിയത്തടുക്ക, രാംദാസ് നഗര്‍, ചങ്കള (നാലാംമൈല്‍) എന്നിവടങ്ങളാണ് സഞ്ചലനകേന്ദ്രങ്ങളായി നിശ്ചയിച്ചിട്ടുള്ളത്.
പഥസഞ്ചലനങ്ങള്‍ 3 മണിക്ക് പുറപ്പെടും. കാല്‍ലക്ഷം പൂര്‍ണ ഗണവേഷധാരികള്‍ പങ്കെടുക്കും. വിജയശക്തിസംഗമത്തെ വളരെ ആവേശത്തോടും അതിലുപരി അഭിമാനത്തോടും കൂടിയാണ് സംഘപ്രവര്‍ത്തകരും അനുഭാവികളും നോക്കിക്കാണുന്നത്. പ്രവര്‍ത്തകരുടെ ഏറെ നാളത്തെ ആഗ്രഹത്തിന്റെ പൂര്‍ത്തീകരണമാണ് വിജയശക്തി സംഗമത്തിലൂടെ സാധ്യമാകുന്നത്.
ഗണവേഷധാരികളെ കൂടാതെ ആയിരക്കണക്കിന് അമ്മമാരും ക്ഷണിക്കപ്പെട്ട അതിഥികളും പരിപാടിയില്‍ സംബന്ധിക്കും. ഉച്ചകഴിഞ്ഞ് 3ന് പഥസഞ്ചലനങ്ങള്‍ ആരംഭിക്കും. തുടര്‍ന്ന് നടക്കുന്ന പൊതുപരിപാടിയില്‍ ബ്രിഗേഡിയര്‍ ഐ.എന്‍.റായ് മഗലാപുരം അധ്യക്ഷത വഹിക്കും.
മേജര്‍ ബി.എ.നഞ്ചപ്പ കൊടക് മുഖ്യാതിഥിയാകും. ആര്‍എസ്എസ് അഖിലഭാരതീയ കാര്യകാരിണി സദസ്യന്‍ എസ്.സേതുമാധവന്‍ മുഖ്യപ്രഭാഷണം നടത്തും. കേരള പ്രാന്ത സഹസംഘചാലക് അഡ്വ.കെ.കെ.ബാലറാം, മംഗലാപുരം വിഭാഗ് സംഘചാലക് ഡോ.വാമന ഷേണായ് എന്നിവര്‍ സംബന്ധിക്കും.
പ്രതികരിക്കാൻ ഇവിടെ എഴുതുക: