വള്ളങ്ങള്‍ കൂട്ടിയിടിച്ച് മത്സ്യതൊഴിലാളിക്ക് പരിക്ക്

ആലപ്പുഴ: മത്സ്യബന്ധനത്തിനിടെ വള്ളങ്ങള്‍ കൂട്ടിയിടിച്ച് മത്സ്യതൊഴിലാളിക്ക് പരിക്ക്. ഇയാളെ ആശുപത്രിയില്‍ പ്രവേശിപ്പിച്ചു. മാരാരിക്കുളം തെക്കുപഞ്ചായത്ത് 16-ാം വാര്‍ഡ് കാട്ടൂര്‍ അരയശേരി വീട്ടില്‍ ജോസഫി (48)നെയാണ് വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്. കഴിഞ്ഞദിവസം രാവിലെ പത്തരയോടെ പുന്നപ്ര ചള്ളികടപ്പുറത്തു നിന്നും നാലു കിലോമീറ്റര്‍ അകലെ കടലിലായിരുന്നു അപകടം. വചനം എന്ന വള്ളത്തിലെ തൊഴിലാളിയായ ഇയാള്‍ വല വലിക്കുന്നതിനിടെ സമീപത്തുണ്ടായിരുന്ന കാരിയര്‍ വള്ളം ഇടിക്കുകയായിരുന്നു. ഇയാളുടെ ഇടതുകൈവിരല്‍ മുറിഞ്ഞുപോയി. തുടര്‍ന്ന് കൂടെയുണ്ടായിരുന്ന തൊഴിലാളികള്‍ ഇയാളെ ആശുപത്രിയില്‍ എത്തിക്കുകയായിരുന്നു.