ഫഹദ് ഫാസില്‍ നായകനാകുന്ന മറിയം മുക്ക് ചിത്രത്തിന്റെ ഓഡിയോ പ്രകാശനം ചെയ്തു. വിദ്യാസാഗറാണ് ഗാനങ്ങള്‍ ചിട്ടപ്പെടുത്തിയിരിക്കുന്നത്. നാല് ഗാനങ്ങളാണ് സിനിമയ്‌ക്ക് വേണ്ടി രചിച്ചിരിക്കുന്നത്. മഴയും കാറ്റും കടലും പ്രണയവും ഒത്തുകലര്‍ന്ന അനുഭവം നല്‍കുന്ന ഈ കടലിനു കോള് എന്ന ഗാനം രചിച്ചിരിക്കുന്നത് വയലാര്‍ ശരത്ചന്ദ്ര വര്‍മയാണ്. ആലാപനം കെ.ജെ. യേശുദാസ്, സുജാത. ഒരു ലാറ്റിന്‍ അമേരിക്കന്‍ ഫ്‌ളേവര്‍ കൊടുത്തു രചിച്ച കവിള്‍ എന്ന് തുടങ്ങുന്ന ഗാനം രചിച്ചത് സന്തോഷ് വര്‍മയും പാടിയിരിക്കുന്നത് കാവാലം ശ്രീകുമാറും നജീം അര്‍ഷാദുമാണ്. ഫാദര്‍ സിയോണ്‍ എഴുതിയ സ്വര്‍ഗ്ഗം തുറന്നു എന്ന ഗാനമാണ് മറ്റൊന്ന്. റഫീക് അഹമ്മദ് രചന നിര്‍വഹിച്ച മേക്കരയില്‍ എന്ന ഗാനം ആലപിച്ചിരിക്കുന്നത് രഞ്ജിനി ജോസും ജിതിനും ചേര്‍ന്നാണ്. ജെയിംസ് ആല്‍ബര്‍ട്ട് സംവിധാനം ചെയ്യുന്ന മറിയം മുക്കിന്റെ ഓഡിയോ പുറത്തിറക്കിയിരിക്കുന്നത് മ്യൂസിക് 247 ആണ്.
Friday, November 22, 2024
മറിയം മുക്ക് : ഓഡിയോ പ്രകാശനം ചെയ്തു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: