ആലപ്പുഴ: സിമന്റ് കടയില്‍ മോഷണശ്രമം, കുപ്രസിദ്ധ മോഷ്ടാവിന് വേണ്ടി പോലീസ് അന്വേഷണം ഊര്‍ജിതമാക്കി. പുന്നപ്ര കുറവന്‍തോട് ഷറഫൂല്‍ ഇസ്ലാം കോംപ്ലക്‌സില്‍ സ്ഥിതിചെയ്യുന്ന റഫീക് ട്രേഡേഴ്‌സിലാണ് മോഷണശ്രമം നടന്നത്.കഴിഞ്ഞദിവസം രാവിലെ ഒമ്പതിന് ജീവനക്കാര്‍ കടതുറക്കാന്‍ എത്തിയപ്പോഴാണ് കടയുടെ ഷട്ടറിന്റെ താഴ് വേര്‍പെട്ട് കിടക്കുന്നത് കണ്ടത്. വാതിലിന്റെ ചില്ലുകള്‍ തല്ലിതകര്‍ന്ന നിലയിലായിരുന്നു.
ലാപ് ടോപ്, കമ്പ്യൂട്ടര്‍ ഉള്‍പ്പെടെയുളള ഉപകരണങ്ങള്‍ മോഷ്ടാവ് എടുത്തിരുന്നില്ല. എന്നാല്‍ ഫയലുകളും മറ്റും വാരിവലിച്ചിട്ട നിലയിലായിരുന്നു. മേശയില്‍ ഉണ്ടായിരുന്ന രണ്ടായിരം രൂപയോളം മോഷണം പോയി. പുന്നപ്ര പോലീസ് സംഘം സംഭവസ്ഥലത്തെത്തി പരിശോധന നടത്തി. പണംമാത്രം മോഷ്ടിക്കുന്ന കുപ്രസിദ്ധ മോഷ്ടാവായ കാക്കാഴം സ്വദേശിക്കുവേണ്ടി അന്വേഷണം ഊര്‍ജിതമാക്കി.
പ്രതികരിക്കാൻ ഇവിടെ എഴുതുക: