സ്വര്‍ണം കടത്താന്‍ ശ്രമിച്ച സ്ത്രീകളെ പിടികൂടി

കൊച്ചി: നെടുമ്പാശേരി വിമാനത്താവളത്തില്‍ സ്വര്‍ണം കടത്താന്‍ ശ്രമിച്ച തമിഴ്‌നാട് സ്വദേശികളായ മൂന്ന ്‌സ്ത്രീകളെ കസ്റ്റംസ് പിടികൂടി.

ഇന്നലെപുലര്‍ച്ചെ 4.30നു ക്വാലാലംപൂരില്‍ നിന്നും കൊച്ചിയിലെത്തിയ മല്ലിന്റോ വിമാനത്തിലെ യാത്രക്കാരായ മൂന്നു സ്ത്രീകളെയാണു 1644 ഗ്രാം സ്വര്‍ണവുമായി കസ്റ്റംസ് പിടികൂടിയത്. സ്വര്‍ണം മലദ്വാരത്തില്‍ ഒളിപ്പിച്ച നിലയിലായിരുന്നു. കസ്റ്റംസ് സ്വര്‍ണം കണ്ടെടുത്തിട്ടുണ്ട്.

കഴിഞ്ഞ ദിവസവും 26 ലക്ഷം രൂപ വിലവരുന്ന ഒരു കിലോ സ്വര്‍ണവുമായി രണ്ട് സ്ത്രീകളെ കസ്റ്റംസ് പിടികൂടിയിരുന്നു. ക്വാലാലംപൂരില്‍ നിന്നുള്ള വിമാനത്തിലാണ് ഇവരും കൊച്ചിയിലെത്തിയത്.