ആലപ്പുഴ: ജില്ലാ അഗ്രിഹോര്‍ട്ടി സൊസൈറ്റിയും എസ്ഡി കോളേജ് ബോട്ടണി വിഭാഗവും കൃഷിവകുപ്പും ചേര്‍ന്ന് എസ്ഡിവി സ്‌കൂള്‍ ഗ്രൗണ്ടില്‍ നടത്തിവന്ന കാര്‍ഷിക -വ്യാവസായിക പ്രദര്‍ശനം സമാപിച്ചു. ഒമ്പതുദിവസമായി നടന്നുവന്ന പ്രദര്‍ശനത്തിന്റെ സമാപന സമ്മേളനം ജില്ലാ പോലീസ് ചീഫ് കെ.കെ ബാലചന്ദ്രന്‍ ഉദ്ഘാടനം ചെയ്തു. ഞായറാഴ്ച വൈകിട്ട് സംഘടിപ്പിച്ച ചടങ്ങില്‍ എസ്ഡിവി മാനേജിങ് കമ്മറ്റി പ്രസിഡന്റ് ജെ.കൃഷ്ണന്‍ അദ്ധ്യക്ഷത വഹിച്ചു. സ്വാഗതസംഘം ജനറല്‍ കണ്‍വീനര്‍ രവിപാലത്തിങ്കല്‍, അഗ്രിഹോര്‍ട്ടി സൊസൈറ്റി വൈസ്പ്രസിഡന്റ് എം.കെ. ഭാസ്‌കരപ്പണിക്കര്‍, എസ്ഡി കോളേജ് ബോട്ടണി വിഭാഗം മേധാവി ഡോ. വി.എസ്. ഹരികുമാര്‍, ഡോ. എം.എസ്. ബിനോജ് കുമാര്‍, അഗ്രിഹോര്‍ട്ടി സൊസൈറ്റി ട്രഷറര്‍ എഎന്‍ പുരം ശിവകുമാര്‍ എന്നിവര്‍ പ്രസംഗിച്ചു.
രാവിലെ നടന്ന ആരോഗ്യസെമിനാര്‍ ജില്ലാ പഞ്ചായത്ത് പ്രസിഡന്റ് അഡ്വ. യു. പ്രതിഭാഹരി ഉദ്ഘാടനം ചെയ്തു.ഡോ.ജീവന്‍, ഡോ. കെ.പി. മധുസൂതനപ്പണിക്കര്‍ എന്നിവര്‍ പ്രഭാഷണം നടത്തി. പ്രദര്‍ശനത്തോടനുബന്ധിച്ച് ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ എസ്ഡിവി മൈതാനത്ത് ലഹരി വിരുദ്ധ ഹ്രസ്വചിത്ര പ്രദര്‍ശനം സംഘടിപ്പിച്ചു. ലഹരി ഉപയോഗത്തിന്റെ ദൂഷ്യവശങ്ങള്‍ ചൂണ്ടിക്കാട്ടുന്നതായിരുന്നു ഹ്രസ്വചിത്രം. ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തില്‍ പ്രദര്‍ശന സ്റ്റാളില്‍ സംഘടിപ്പിച്ച വികസനോന്മുഖ ഫോട്ടോ പ്രദര്‍ശനവും സമാപിച്ചു.
പ്രതികരിക്കാൻ ഇവിടെ എഴുതുക: