ചേര്‍ത്തല: താലൂക്ക് എന്‍എസ്എസ് സെന്റിനറി മെറിറ്റ് ഇവനിങ് 28ന് ഉച്ചയ്‌ക്ക് രണ്ടിന് ചേര്‍ത്തല കാര്‍ത്യായനിദേവീക്ഷേത്ര മൈതാനിയില്‍ നടക്കും. സമ്മേളന ഉദ്ഘാടനവും, മാതൃകാ കരയോഗങ്ങള്‍ വനിതാസമാജങ്ങള്‍ക്കുള്ള അവാര്‍ഡ് വിതരണവും ജില്ലാ കളക്ടര്‍ എന്‍. പത്മകുമാര്‍ നിര്‍വ്വഹിക്കും. എന്‍എസ്എസ് യൂണിയന്‍ പ്രസിഡന്റ് കെ. പങ്കജാക്ഷപ്പണിക്കര്‍ അദ്ധ്യക്ഷത വഹിക്കും. സാന്ത്വന, ചികിത്സാ, വിവാഹ സഹായ, ഭവനനിര്‍മ്മാണ സഹായ പദ്ധതികളുടെ ഉദ്ഘാടനം തൊടുപുഴ ജില്ലാ ജഡ്ജ് പി.കെ. അരവിന്ദബാബുവും, എന്‍ഡോവ്‌മെന്റ് സ്‌കോളര്‍ഷിപ്പുകളുടെ വിതരണം എംജി യൂണിവേഴ്‌സിറ്റി രജിസ്ട്രാര്‍ എം.ആര്‍. ഉണ്ണിയും നിര്‍വ്വഹിക്കും. വനിതാ കലാമേള വിജയികള്‍ക്ക് ചലച്ചിത്രതാരം അശോകനും, പൂക്കളമത്സരവിജയികള്‍ക്കുള്ള സമ്മാനങ്ങള്‍ നടി ഗായത്രി അരുണും വിതരണം ചെയ്യും. എന്‍എസ്എസ് ഹെഡ് ഓഫീസ് ധനസഹായ വിതരണം യൂണിയന്‍ വൈസ് പ്രസിഡന്റ് കെ.ജി. ചിന്താര്‍മണി നിര്‍വഹിക്കും. രാമായണ പാരായണ വിജയികള്‍ക്ക് താലൂക്ക് വനിതായൂണിയന്‍ പ്രസിഡന്റ് ജെ. സരോജിനിയമ്മയും, പ്രശ്‌നോത്തരി വിജയികള്‍ക്ക് സെക്രട്ടറി എന്‍. മാധവിയമ്മയും സമ്മാനങ്ങള്‍ വിതരണം ചെയ്യും.
Friday, November 29, 2024
എന്‍എസ്എസ് സെന്റിനറി മെറിറ്റ് ഇവനിങ് ഡിസംബര്‍ 28ന്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: