തുറവൂര്‍: കുടുംബക്കാര്‍ തമ്മിലുള്ള സംഘട്ടനത്തില്‍ പത്തോളം പേര്‍ക്ക് പരിക്കേറ്റു. കുത്തിയതോട് ഗ്രാമപഞ്ചായത്ത് പതിനാറാം വാര്‍ഡ് പളളിത്തോട്ടില്‍ ഡിസംബര്‍ 22ന് രാവിലെ പത്തിനായിരുന്നു സംഭവം. പൂര്‍വ്വ വൈരാഗ്യത്തിലായിരുന്ന പുന്നയ്‌ക്കല്‍ കുടുംബക്കാരും വലിയ വീട്ടുകാരും തമ്മിലുളള കലഹത്തില്‍ നിന്നാണ് സംഘട്ടനമൂണ്ടായതെന്നു പോലീസ് പറഞ്ഞു. അജീഷ്, സിറിള്‍, ആന്റണി, ജിജി, യേശുദാസ്, അപ്പച്ചന്‍ എന്നിവരെ വണ്ടാനം മെഡിക്കല്‍ കോളേജ് ആശുപത്രിയിലും ചാര്‍ളി, ജോണി, കുഞ്ഞുമോന്‍ എന്നിവരെ ചേര്‍ത്തല താലൂക്ക് ആശുപത്രിയിലും, കാലിലും കൈയ്‌ക്കും വെട്ടേറ്റ ജോണ്‍സണെ എറണാകുളത്തെ സ്വകാര്യ ആശുപത്രിയിലും പ്രവേശിപ്പിച്ചു. ജോണ്‍സണിന്റെ നില ഗുരുതരമാണ്. പളളിത്തോട്ടില്‍ പോലിസ് അന്വേഷണം ഊര്‍ജിതമാക്കിയിട്ടുണ്ട്. കേസ് രജിസ്റ്റര്‍ ചേയ്തു.
Friday, November 29, 2024
പള്ളിത്തോട്ടില്‍ സംഘട്ടനം; പത്തുപേര്‍ക്കു പരിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: