ചക്കുളത്തുകാവില്‍ നടന്ന മഹായജ്ഞം സമാപിച്ചു

ചക്കുളത്തുകാവ്: ചക്കുളത്തുകാവ് ശ്രീ ഭഗവതീ ക്ഷേത്രത്തില്‍ പന്ത്രണ്ടു നോയമ്പു മഹോത്സവത്തോടനുബന്ധിച്ച് നടന്നു വന്നിരുന്ന ചതുര്‍ദിനവരദാന യജ്ഞം മഹാചണ്ഡികാഹോമത്തോടെ സമാപിച്ചു. ക്ഷേത്രകാര്യദര്‍ശി മണിക്കുട്ടന്‍ നമ്പൂതിരിയും മുഖ്യകാര്യദര്‍ശി രാധാകൃഷ്ണന്‍ നമ്പൂതിരിയും നേതൃത്വം നല്‍കി. രമേശ് ഇളമ യജ്ഞാചാര്യനായാണ് യാഗം നടന്നത്. രാത്രി ഏഴിന് ചെട്ടികുളങ്ങര വിജയരാഘവക്കുറിപ്പും സംഘവും അവതരിപ്പിച്ച കുത്തിയോട്ടച്ചുവടും പാട്ടും, ഒമ്പതിനു നൃത്തനൃത്യങ്ങളും നടന്നു.