പാലാ: സ്റ്റേറ്റ് സീനിയര്‍ വോളിബോള്‍ ചാമ്പ്യന്‍ഷിപ്പില്‍ വനിതാ വിഭാഗത്തില്‍ കോട്ടയവും ചാമ്പ്യന്മാരായി. വനിതാ വിഭാഗത്തില്‍ കോട്ടയം തിരുവനന്തപുരത്തെയാണ് നേരിട്ടുള്ള സെറ്റുകള്‍ക്ക് പരാജയപ്പെടുത്തിയത്. സ്‌കോര്‍: 25-15, 25-20,25-21.
ലൂസേഴ്‌സ് ഫൈനലില്‍ പുരുഷവിഭാഗത്തില്‍ തിരുവനന്തപുരം മലപ്പുറത്തെ പരാജയപ്പെടുത്തി. സ്‌കോര്‍: 26-24, 18-25, 25-22, 25-16. വനിതാവിഭാഗത്തില്‍ കോഴിക്കോടിനെ ഇടുക്കി തോല്‍പ്പിച്ചു. സ്‌കോര്‍: 25-21, 25-18, 25-17.
പുരുഷവിഭാഗം വിജയികള്‍ക്ക് ആഷ്‌ലി പ്ലാത്തോട്ടം സ്മാരക ട്രോഫിയും വനിതാവിഭാഗം വിജയികള്‍ക്ക് പയസ് വൈപ്പന സ്മാരക ട്രോഫിയും ജോണി പുതിയിടം സ്മാരക പുരസ്‌കാരവും സമ്മാനിച്ചു. ജോസഫ് വാഴയ്‌ക്കന്‍ എംഎല്‍എ, വോളിബോള്‍ അസോസിയേഷന്‍ പ്രസിഡന്റ് ചാര്‍ളി ജേക്കബ്, മുനിസിപ്പല്‍ ചെയര്‍മാന്‍ കുര്യാക്കോസ് പടവന്‍, ആന്റോ പടിഞ്ഞാറെക്കര, തോമസുകുട്ടി ആനിത്തോട്ടം, ടോമി കുറ്റിയാങ്കല്‍, ബാബു വടക്കേമുറി, ബാബു നെടുമുടി തുടങ്ങിയവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: