സംവിധായകന്‍ ശങ്കറിന്റെ ദൃശ്യ വിരുന്നില്‍ ഒരുങ്ങുന്ന ‘ഐ’ യുടെ ട്രെയിലര്‍ പുറത്തിറങ്ങി 24 മണിക്കൂര്‍ തികയും മുമ്പേ യൂ ടൂബില്‍ വീഡിയോ വീക്ഷിച്ചവരുടെ എണ്ണം ആറ് ലക്ഷം കവിഞ്ഞു.
സീസണിലെ മികച്ച ചിത്രങ്ങളിലൊന്നാകുമെന്ന് വിലയിരുത്തപ്പെടുന്ന ‘ഐ’യില്‍ നായകനാകുന്നത് വിക്രമാണ്. വഷ്വല്‍ ഇഫക്റ്റുകളുടെ മാസ്മരികതയും സംഘട്ടനരംഗങ്ങളുമെല്ലാം മിന്നിമായുന്ന ട്രെയ്‌ലര്‍ പ്രേക്ഷകര്‍ക്കു നല്‍കുന്നത് വന്‍ പ്രതീക്ഷയാണ്.
രണ്ടുവര്‍ഷമായി ചിത്രത്തിനായി കാത്തിരിക്കുകയാണ് സിനിമാ ആസ്വാദക ലോകം.ജനുവരിയിലാണ് ചിത്രം തിയറ്ററുകളിലെത്തുന്നത്.
വിക്രമിന്റെ വേഷപ്പകര്‍ച്ചകളാല്‍ വ്യത്യസ്തമായ ചിത്രത്തില്‍ പ്രതിനായകവേഷത്തിലെത്തുന്നത് മലയാളനടന്‍ സുരേഷ്‌ഗോപിയാണ്. പുന്‍ പട്ടേല്‍, പ്രഭു, സന്താനം, രാം കുമാര്‍ ഗണേശന്‍ എന്നിവരാണ് മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്.
180 കോടിയാണ് ചിത്രത്തിന് ചിലവായത്. ചിത്രത്തിന് വിഷ്വല്‍ ഇഫക്റ്റ്‌സ് ചെയ്യുന്നത് ശ്രീനിവാസ് മോഹനാണ്.എ.ആര്‍ റഹ്മാന്‍ സംഗീതം നിര്‍വഹിക്കുന്ന ചിത്രത്തിന്റെ ഛായാഗ്രാഹണം പി. സി ശ്രീറാമും എഡിറ്റിങ് ആന്റണിയും നിര്‍വ്വഹിക്കുന്നു.
പ്രതികരിക്കാൻ ഇവിടെ എഴുതുക: