മുളകുപൊടി വിതറി അക്രമിച്ചു

തുറവൂര്‍: ഗൃഹനാഥന്റെ മുഖത്ത് മുളകുപൊടി വിതറി മര്‍ദ്ദിച്ചതായി പരാതി. പട്ടണക്കാട് പഞ്ചായത്ത് പതിനഞ്ചാം വാര്‍ഡ് പെരുമുറ്റത്ത് ജേക്കബിനെ മര്‍ദ്ദിച്ചതായാണ് പരാതി. കഴിഞ്ഞദിവസം രാത്രിയാണ് സംഭവം. വീടിന് പുറത്ത് നില്‍ക്കുകയായിരുന്ന ജേക്കബിനെ മദ്യപിച്ചെത്തിയ അയല്‍വാസി ആന്റണി മുളക്‌പൊടി മുഖത്ത് വിതറിയശേഷം ആക്രമിക്കുകയായിരുന്നു. ഇയാളെ ചേര്‍ത്തല താലൂക്ക് ആശുപത്രിയില്‍ പ്രവേശിപ്പിച്ചു. പട്ടണക്കാട് പോലീസ് കേസെടുത്തു.