ആലപ്പുഴ: വണ്ടാനം മെഡിക്കല്‍ കോളജില്‍ എംബിബിഎസ്, പിജി സീറ്റുകളുടെ അംഗീകാരം അനിശ്ചിതത്വത്തിലായത് വിദ്യാര്‍ഥികളെ പ്രതിസന്ധിയാലാക്കി. ആകെ 150 സീറ്റുള്ള എംബിബിഎസിന്റെ അമ്പതു സീറ്റിലും 62 പിജി സീറ്റുകളില്‍ 38 സീറ്റുകളിലും ഇന്ത്യന്‍ മെഡിക്കല്‍ കൗണ്‍സില്‍ അംഗീകാരം കിട്ടാന്‍ വൈകുന്നതു വിദ്യാര്‍ഥികളുടെ തുടര്‍പഠനത്തിനു തടസമാകും. മെഡിക്കല്‍ കൗണ്‍സില്‍ പരിശോധനയ്‌ക്കു തുക ഒടുക്കിയെങ്കിലും പ്രതിനിധികള്‍ എത്തിയിട്ടില്ല. ഡോക്ടര്‍മാരുടെ കുറവും ലാബ്, ലബോറട്ടറി, ലൈബ്രറി സൗകര്യങ്ങളുടെ അപര്യാപ്തതയും കൗണ്‍സില്‍ പ്രതിനിധികള്‍ കഴിഞ്ഞ വര്‍ഷം തന്നെ ചൂണ്ടിക്കാട്ടിയിരുന്നു. തസ്തികകള്‍ സൃഷ്ടിക്കാതെ ഡോക്ടര്‍മാരെ മറ്റു മെഡിക്കല്‍ കോളജുകളിലേക്കു സ്ഥലം മാറ്റിയതിനെതിരെ കെജിഎംസിടിഎ പ്രതിഷേധത്തിലാണ്. സീറ്റുകളുടെ അംഗീകാരം നഷ്ടപ്പെടുന്നതിനെതിരെ എംബിബിഎസ്, പിജി വിദ്യാര്‍ത്ഥികളും ഹൗസ് സര്‍ജന്‍മാരും സമരം തുടങ്ങി.
Tuesday, November 5, 2024
മെഡിക്കല്‍ കോളജില്‍ സീറ്റുകളുടെ അംഗീകാരം അനിശ്ചിതത്വത്തിലായി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: