ബിഎംഎസ് ജില്ലാ സമ്മേളനം; സ്വാഗതസംഘം രൂപീകരണം 19ന്

ആലപ്പുഴ: ഭാരതീയ മസ്ദൂര്‍ സംഘം ജില്ലാ സമ്മേളനം ജനുവരി 24, 25 തീയതികളില്‍ ആലപ്പുഴയില്‍ നടക്കും. സമ്മേളനത്തോട് അനുബന്ധിച്ച് പ്രതിനിധി സമ്മേളനം, സെമിനാറുകള്‍, ജനസേവന പ്രവര്‍ത്തനങ്ങള്‍, ആയിരങ്ങള്‍ അണിനിരക്കുന്ന തൊഴിലാളി പ്രകടനം, പൊതുസമ്മേളനം എന്നിവ സംഘടിപ്പിക്കും. 24ന് വൈകിട്ട് മൂന്നിന് നഗരചത്വരത്തില്‍ നിന്നും പ്രകടനം ആരംഭിക്കും. കൊമ്മാടി ജങ്ഷന് സമീപം എസ്എന്‍ ഗുരുമന്ദിര ഹാളില്‍ പൊതുസമ്മേളനം ചേരും. 25ന് പുന്നപ്ര വടക്ക് പഞ്ചായത്ത് കമ്മ്യൂണിറ്റി ഹാളില്‍ ജില്ലാ പ്രതിനിധി സമ്മേളനം നടക്കും. ജില്ലാ സമ്മേളന സ്വാഗതസംഘ രൂപീകരണ യോഗം ഡിസംബര്‍ 19ന് വൈകിട്ട് നാലിനു ബിഎംഎസ് ജില്ലാ കാര്യാലയ സഭാഗൃഹത്തില്‍ ചേരും. സംസ്ഥാന, ജില്ലാ നേതാക്കള്‍ യോഗത്തില്‍ പങ്കെടുക്കും.