കണ്ണൂര്‍: ബിജെപി മെഗാ മെമ്പര്‍ഷിപ്പ് ക്യമ്പയിന്റെ ഭാഗമായി കണ്ണൂര്‍, അഴീക്കോട്,ധര്‍മ്മടം നിയോജക മണ്ഡലങ്ങളിലെ പ്രവര്‍ത്തകര്‍ക്കായുളള ശില്‍പ്പശാല കണ്ണൂര്‍ ഗുരുഭവന്‍ ഒഡിറ്റോറിയത്തില്‍ നടന്നു. ബിജെപി സംസ്ഥാന ജനറല്‍ സെക്രട്ടറി കെ.സുരേന്ദ്രന്‍ ശില്‍പ്പശാല ഉദ്ഘാടനം ചെയ്തു.
സമൂഹത്തിന്റെ എല്ലാ മേഖലയിലുമുളള ജന വിഭാഗങ്ങളെ ഗൃഹസമ്പര്‍ക്കത്തിലൂടെ ബന്ധപ്പെട്ട് ദേശീയതയുടെ സന്ദേശം അവരിലെത്തിക്കാന്‍ കഠിന പരിശ്രമത്തിന് പ്രവര്‍ത്തകര്‍ തയ്യാറാവണമെന്ന് അദ്ദേഹം പറഞ്ഞു. രാഷ്‌ട്രീയ സംഘടനകള്‍ എന്ന നിലയ്‌ക്ക് കോണ്‍ ഗ്രസും സിപിഎമ്മും പരാജയപ്പെട്ടിരിക്കുന്നുവെന്ന തിരിച്ചറിവ് ഇത്തരം പ്രസ്ഥാനങ്ങളിലെ പ്രവര്‍ത്തകര്‍ മനസ്സിലാക്കി തുടങ്ങിയിരിക്കുന്നു.
അസംതൃപ്തരായ അത്തരം ആളുകളെ കണ്ടെത്തി ബിജെപിയില്‍ അംഗത്വമെടുപ്പിക്കാന്‍ മെമ്പര്‍ഷിപ്പ് ക്യാമ്പയിന്റെ കാലഘട്ടം ഉപയോഗപ്പെടുത്തണമെന്നും അദ്ദേഹം പറഞ്ഞു. ബിജെപി ജില്ലാവൈസ് പ്രസിഡണ്ട് കെ.രാധാകൃഷ്ണന്‍ അധ്യക്ഷത വഹിച്ചു. ജില്ലാ ജനറല്‍ സെക്രട്ടറി എ.പി.ഗംഗാധരന്‍, ദേശീയ കൗണ്‍സില്‍ അംഗം പി.കെ.വേലായുധന്‍, വിജയന് വട്ടിപ്രം,ടി. സി.മനോജ്, കെ.പ്രശോഭ് തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: