ചെങ്ങന്നൂര്‍: നിയന്ത്രം വിട്ട കാര്‍ വൈദ്യുതപോസ്റ്റ് ഇടിച്ചുതകര്‍ത്തു. കാര്‍ ഡ്രൈവര്‍ക്ക് പരിക്കേല്‍റ്റു. തിരുവല്ല, അഴിയിടത്ത് ചിറ സംക്രമത്ത് വീട്ടില്‍ രാജേഷ് കുമാര്‍ (36) നാണ് പരിക്കേറ്റത്. കഴിഞ്ഞദിവസം വൈകിട്ട് എംസി റോഡില്‍ കാരയ്‌ക്കാട് പെട്രോള്‍ പമ്പിന് സമീപമായിരുന്നു അപകടം. ചെങ്ങന്നൂരില്‍ നിന്നും പന്തളം ഭാഗത്തേക്ക് പോവുകയായിരുന്ന കാര്‍ നിയന്ത്രണം വിട്ട് എതിര്‍വശത്തുള്ള വൈദ്യുത പോസ്റ്റില്‍ ഇടിക്കുകയായിരുന്നു. ഇടിയുടെ ആഘാതത്തില്‍ പോസ്റ്റ് ഒടിയുകയും, വൈദ്യത കമ്പികള്‍ പൊട്ടി കാറിന് മുകളിലേക്ക് വീഴുകയും ചെയ്തു. സംഭവം കണ്ടുനിന്നവര്‍ വൈദ്യുത കമ്പിപൊട്ടിവീണതിനാല്‍ രക്ഷാപ്രവര്‍ത്തനത്തിനായി കാറിന് അടുക്കലേക്ക് അടുക്കാന്‍ മടിക്കുകയും തുടര്‍ന്ന് അധികൃതരെ വിവരമറിയിച്ച് വൈദ്യുതി ഓഫ് ചെയ്തതിന് ശേഷമാണ് രാജേഷിനെ കാറിന് പുറത്തേക്ക് എത്തിച്ചത്. ഉറങ്ങിപ്പോയതാകാം അപകടത്തിന് കാരണമെന്ന് പോലീസ് പറഞ്ഞു. തലയ്‌ക്കും, മുഖത്തിനും പരിക്കേറ്റ രാജേഷിനെ മുളക്കുഴയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
Tuesday, November 5, 2024
നിയന്ത്രണം വിട്ട കാര്‍ വൈദ്യുത പോസ്റ്റ് ഇടിച്ചു തകര്‍ത്തു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: