കൊച്ചി: യു.എസ്. ആസ്ഥാനമായ മാരിയറ്റ് ഇന്റര്‍നാഷണലിന്റെ മാരിയറ്റ് ഹോട്ടല്‍ 21 മുതല്‍ കൊച്ചിയില്‍ പ്രവര്‍ത്തനമാരംഭിക്കും. ലുലുഗ്രൂപ്പുമായി ചേര്‍ന്ന് മാരിയറ്റിന്റെ കേരളത്തിലെ രണ്ടാമത്തെ ഹോട്ടലാണ് ഇത്. രാവിലെ 11 മണിക്ക് ആഭ്യന്തരമന്ത്രി രമേശ് ചെന്നിത്തല ഉദ്ഘാടനം നിര്‍വ്വഹിക്കും.
18 നിലകളിലായി പ്രവര്‍ത്തിക്കുന്ന ഹോട്ടലിന്റെ ഏറ്റവും വലിയ പ്രത്യേകത കെട്ടിടത്തിന്റെ മുകളില്‍ സ്ഥിതി ചെയ്യുന്ന ഹെലിപാഡാണ്. വ്യോമയാന നിയമങ്ങള്‍ക്കനുസരിച്ച് നിര്‍മ്മിച്ച ഹെലിപാഡ് ഹോട്ടല്‍ ഇന്ത്യയിലെ മൂന്നാമത്തെയും കേരളത്തിലെ ആദ്യത്തെയുമാണ്. 274 അതിവിശാലമായ മുറികളാണ് മാരിയറ്റിനുള്ളത്. ഇതില്‍ ഒരു പ്രസിഡന്‍ഷ്യല്‍ സ്യൂട്ട്, ഒരു വൈസ് പ്രസിഡന്‍ഷ്യല്‍ സ്യൂട്ട്, 25 സ്യൂട്ടുകള്‍ എന്നിവയുള്‍പ്പെടുന്നു.
ആരോമതെറാപ്പി, ആയുര്‍വേദം എന്നിവയുള്‍പ്പെടുന്ന ആധുനികമായ സ്പായും ഇവിടെ സജ്ജീകരിച്ചിട്ടുണ്ട്. ഹോട്ടല്‍ പ്രവര്‍ത്തനമാരംഭിക്കുന്നതോടുകൂടി കൊച്ചിയിലെത്തുന്ന സഞ്ചാരികള്‍ക്ക് അതിഥിസൗകര്യങ്ങളുടെ ഒരു പുതിയ ലോകമാണ് കാത്തിരിക്കുന്നതെന്ന് ലുലുഗ്രൂപ്പ് മാനേജിംഗ് ഡയറക്ടര്‍ എം.എ. യൂസഫലി പറഞ്ഞു.
പ്രതികരിക്കാൻ ഇവിടെ എഴുതുക: