മുണ്ടക്കയം: വീട്ടമ്മയെ പീഡിപ്പിക്കാന്‍ ശ്രമിച്ച യുവാക്കള്‍ പിടിയില്‍. പുലിക്കുന്ന് മണ്ണനാനിക്കല്‍ വീട്ടില്‍ ബിനോയി (തങ്കച്ചന്‍ 34), പാലയ്‌ക്കല്‍ ഷിജി (രാജേഷ് 32) എന്നിവരെയാണ് പോലീസ് പിടിക്കൂടിയത്. ശനിയാഴ്‌ച്ച വൈകിട്ട് പുലികുന്നിലായിരുന്നു സംഭവം. കുളികടവിലേക്ക് പോയ വീട്ടമ്മ വീട്ടിലേക്ക് മടങ്ങവെ രണ്ട് യുവാക്കള്‍ കടന്നു പിടിച്ച ശേഷം തലയില്‍ തുണിയിട്ട് വീട്ടമ്മയെ തേക്ക് കൂപ്പിലേക്ക് വലിച്ച് കൊണ്ട് പോവുയായിരുന്നു. കുളിക്കാന്‍ പോയ വീട്ടമ്മ തിരിച്ചെത്താന്‍ വൈകിയപ്പോള്‍ അന്വേഷിച്ച് ഭര്‍ത്താവ് ചെല്ലുകയും കൂപ്പിനുള്ളില്‍ നിന്നും വീട്ടമ്മയുടെ കരച്ചില്‍ കേട്ട് ഓടിയത്തെയപ്പോള്‍ രണ്ട് യുവാക്കാള്‍ വീട്ടമ്മയെ കടന്നു പിടിക്കുന്നത് കാണുകയായിരുന്നു.തുടര്‍ന്ന് ഭര്‍ത്താവും യുവാക്കളും തമ്മില്‍ മല്‍പ്പിടുത്തമുണ്ടാവുകയും ബിനോയിക്ക് പരിക്കേല്‍ക്കുകയും ചെയ്തു.
തുടര്‍ന്ന് പ്രതികള്‍ സ്ഥലത്തുനിന്നും ഓടി രക്ഷപ്പെടുകയായിരുന്നു.പരിക്കേറ്റ ബിനോയി കാഞ്ഞിരപ്പള്ളി ജനറല്‍ ആശുപത്രിയില്‍ പോലീസ് നിരീക്ഷണത്തില്‍ ചികിത്സയിലാണ്.അറസ്റ്റ് ചെയ്ത രാജേഷിനെ കോടതിയില്‍ ഹാജരാക്കി റിമാന്‍ഡ് ചെയ്തു.എസ്‌ഐ എന്‍എം ജെയിംസ്,എഎസ്‌ഐമാരായ എം സോമന്‍,കെ.ജെ മാമ്മച്ചന്‍,എസ്‌സിപിഒമാരായ ബാബു തോമസ്,സി.കെ.മോഹന്‍,എം.എ സുധന്‍,വിഎ ജെയ്‌മോന്‍ എന്നിവരടങ്ങുന്ന സംഘമാണ് പ്രതികളെ പിടികൂടിയത്.
പ്രതികരിക്കാൻ ഇവിടെ എഴുതുക: