ടി.വി സീരിയല്‍ സംവിധായകന്‍ സജിന്‍ലാലിന്റെ ആദ്യ സിനിമാ സംരംഭമായ ക്രയോണ്‍സിന്റെ ഷൂട്ടിങ് തിരുവനന്തപുരത്ത് തുടങ്ങി. മാതാപിതാക്കളും കുട്ടികളും തമ്മിലൂള്ള പ്രശ്‌നങ്ങളും പരിഹാരമാര്‍ഗങ്ങളും നര്‍മ്മത്തില്‍ ചാലിച്ചു അവതരിപ്പിക്കുന്ന ചിത്രമാണിത്.
ഡിസര്‍ട്ട് ഡ്രീംസ് ഫിലിംസ് , മീഡിയ, ആന്റ് ഈവന്റിന്റെ ബാനറില്‍ ഡോ.എം.ഫയാസ് അസീസ് , സനീന എന്നിവര്‍ ചേര്‍ന്നാണ് ക്രയോണ്‍സ് നിര്‍മിക്കുന്നത്. ബോബന്‍ ആലുമ്മൂടന്‍,ദിനേശ് പണിക്കര്‍,ഡോ.എം.ഫയാസ് അസീസ് , സംഗീത ബക്കര്‍, മാസ്റ്റര്‍ ധനഞ്ജയ് , മാസ്റ്റര്‍ ശബരീകൃഷ്ണന്‍, മാസ്റ്റര്‍ സിബിന്‍ സക്കറിയ, ദേവിശ്രീ തുടങ്ങിയവര്‍ പ്രധാന കഥാപാത്രങ്ങളെ അവതരിപ്പിക്കുന്നു. ഐ.ടി പ്രൊഫഷണലുകളായ പ്രകാശ് ദേവ് അനാമിക ദമ്പതികളുടെയും തൊഴിലാളിയായ സൈമന്റെയും കുടുംബങ്ങളുടെ ജീവിതത്തിന്റെ നേര്‍ക്കാഴ്ചയാണ് സജിന്‍ലാലിന്റെ ക്രയോണ്‍സ്.
നിര്‍മ്മാതാവ് ഫയാസിന്റേതാണ് ചിത്രത്തിന്റെ കഥ. തിരക്കഥാകൃത്തായ അനില്‍ കെ.വിയും ഫയാസും സംയുക്തമായാണ് ക്രയോണ്‍സിന്റെ തിരക്കഥ എഴുതിയത്. ചുനക്കര രാമന്‍കുട്ടിയും എം.കെ ശ്രീകുമാറുമാണ് ഗാനരചന നിര്‍വഹിച്ചിരിക്കുന്നത്. ഗാനങ്ങള്‍ ചിട്ടപ്പെടുത്തിയിരിക്കുന്നത് രവിശങ്കര്‍.
പ്രതികരിക്കാൻ ഇവിടെ എഴുതുക: