ആലപ്പുഴ: അമ്പലപ്പുഴ ബ്ലോക്ക് പഞ്ചായത്ത് വണ്ടാനം ഡിവിഷന്‍ ഉപതെരഞ്ഞെടുപ്പ് നടന്നു. വണ്ടാനം മെഡിക്കല്‍ കോളേജ്, നീര്‍ക്കുന്നം എസ്ഡിവി യുപി സ്‌കൂള്‍, നീര്‍ക്കുന്നം കിഴക്ക് എച്ച്‌ഐ എല്‍പി സ്‌കൂള്‍ എന്നിവിടങ്ങളിലാണ് വോട്ടെടുപ്പ് നടന്നത്. ആകെയുള്ള 6282 വോട്ടുകളില്‍ 4283 വോട്ടുകള്‍ പോള്‍ ചെയ്തു. 68.17 ശതമാനം വോട്ടുകളാണ് നടന്നത്. 3308 സ്ത്രീവോട്ടര്‍മാരില്‍ 2112 പേര്‍ വോട്ട് ചെയ്തു. 2974 പുരുഷ വോട്ടര്‍മാരില്‍ 2271 പേര്‍ വോട്ട് ചെയ്തു. ഇന്ന് രാവിലെ എട്ട് മുതല്‍ ബ്ലോക്ക് പഞ്ചായത്ത് ഓഫീസില്‍ വോട്ടെണ്ണല്‍ നടക്കും.
വി. ശ്രീജിത് (ബിജെപി), പി.കെ. രാജീവ് (യുഡിഎഫ്) എന്‍.എ. ഷംസുദീന്‍ (എല്‍ഡിഎഫ്) എന്നിവരാണ് സ്ഥാനാര്‍ത്ഥികള്‍. കോണ്‍ഗ്രസിലെ ബ്ലോക്ക് പഞ്ചായത്തംഗമായിരുന്ന കെ. മോഹനന്‍ മരിച്ചതിനെ തുടര്‍ന്നാണ് ഉപതെരഞ്ഞെടുപ്പ് നടന്നത്.
പ്രതികരിക്കാൻ ഇവിടെ എഴുതുക: