കടവന്ത്ര: അവശ്യസാധനങ്ങളുടെ വിലവര്‍ധനവിലും സപ്ലൈകോയിലെ അഴിമതിയിലും പ്രതിഷേധിച്ച് കര്‍ഷകമോര്‍ച്ച ജില്ലാ കമ്മറ്റിയുടെ നേതൃത്വത്തില്‍ കടവന്ത്ര, ഗാന്ധിനഗര്‍ സപ്ലൈകോയുടെ മുന്നില്‍ ഡിസംബര്‍ എട്ടിന് രാവിലെ 10ന് കൂട്ടധര്‍ണ്ണ നടക്കും. കര്‍ഷകമോര്‍ച്ച ജില്ലാ പ്രസിഡന്റ് പി.ബി. സുജിത്ത് അധ്യക്ഷത വഹിക്കും.
ബിജെപി സംസ്ഥാന ജനറല്‍ സെക്രട്ടറി എ.എന്‍. രാധാകൃഷ്ണന്‍ ഉദ്ഘാടനം ചെയ്യും. ബിജെപി ജില്ലാ പ്രസിഡന്റ് അഡ്വ. പി.ജെ. തോമസ്, കര്‍ഷകമോര്‍ച്ച സംസ്ഥാന വൈസ് പ്രസിഡന്റ് എസ്. ഉണ്ണികൃഷ്ണന്‍, ജില്ലാ ജനറല്‍ സെക്രട്ടറിമാരായ ആര്‍. സജികുമാര്‍, ടി.പി. രവി, ബിജെപി മണ്ഡലം പ്രസിഡന്റുമാരായ ബാബുരാജ് തച്ചേത്ത്, കെ.എസ്. സുരേഷ് കുമാര്‍, കര്‍ഷകമോര്‍ച്ച മണ്ഡലം പ്രസിഡന്റ് പി.ആര്‍. ഓമനക്കുട്ടന്‍ എന്നിവര്‍ സംസാരിക്കും.
കേരളത്തിലെ അവശ്യസാധനങ്ങളുടെ വില നിയന്ത്രിക്കാനും പൊതുവിപണിയില്‍ വിലക്കയറ്റം പിടിച്ചുനിര്‍ത്തുന്നതിനുമായി തുടങ്ങിയ സപ്ലൈകോ ഇന്ന് മാറിമാറി വരുന്ന സര്‍ക്കാരുകളുടെ നേതൃത്വം വഹിക്കുന്ന രാഷ്‌ട്രീയ പാര്‍ട്ടികളുടെ കറവപ്പശുവായി മാറിയിരിക്കുകയാണ്.
ദേശീയതലത്തില്‍ നരേന്ദ്രമോദിയുടെ നേതൃത്വത്തിലുള്ള ബിജെപി സര്‍ക്കാര്‍ ഡീസലിന്റെയും പെട്രോളിന്റെയും വിലകുറച്ച് വിലക്കയറ്റം പിടിച്ചുനിര്‍ത്തുമ്പോള്‍ കേരളത്തിലെ ജനങ്ങള്‍ക്ക് അതിന്റെ ഗുണങ്ങള്‍ ലഭിക്കാതെ നികുതി ഭാരം അടിച്ചേല്‍പ്പിച്ച് സാധാരണക്കാരുടെ ജീവിതം ദുസ്സഹമാക്കിയിരിക്കുകയാണ്. ഇതിനെതിരെയുള്ള കര്‍ഷകമോര്‍ച്ചയുടെ വന്‍ പ്രക്ഷോഭങ്ങളുടെ തുടക്കം മാത്രമാണ് എട്ടിന് ഗാന്ധിനഗറില്‍ നടക്കുന്ന സപ്ലൈകോ ധര്‍ണ്ണയെന്ന് കര്‍ഷകമോര്‍ച്ച ജില്ലാ സെക്രട്ടറി സി. സതീശന്‍ പറഞ്ഞു.
പ്രതികരിക്കാൻ ഇവിടെ എഴുതുക: