കാസര്‍കോട്: കടപ്പുറം ഹാര്‍ബര്‍ കേന്ദ്രീകരിച്ച് ഗുണ്ടാ മാഫിയാ സംഘങ്ങള്‍ വിലസുന്നതായി പരാതി.
കസബ കടപ്പുറവും ഹാര്‍ബറും അടക്കമുള്ള പ്രദേശങ്ങളില്‍ മണല്‍ കടത്ത് ഉള്‍പ്പെടെയുള്ള പരിപാടികള്‍ക്ക് യുഡിഎഫ് കൗണ്‍സിലര്‍ നേതൃത്വം നല്‍കുന്നതായും പരാതിയുണ്ട്. പ്രദേശത്തെ കഞ്ചാവ് മാഫിയാ ബന്ധങ്ങള്‍ക്ക് കൗണ്‍സിലറുടെ നേതൃത്വത്തില്‍ വഴി വിട്ട് സഹായം ചെയ്യുന്നതായും യുവാക്കളെ ഇത്തരം കൂട്ടുകെട്ടുകളിലേക്ക് ആകര്‍ഷിക്കുന്നതായും പ്രദേശവാസികള്‍ ചൂണ്ടിക്കാട്ടുന്നു.
കടപ്പുറം കേന്ദ്രീകരിച്ച് യുഡിഎഫ് കൗണ്‍സിലറുടെ നേതൃത്വത്തില്‍ മണല്‍ മാഫിയ സജീവമാണ്. മണല്‍ ആവശ്യക്കാര്‍ക്ക് രഹസ്യമായെത്തിച്ചും നാലിരട്ടി വിലയ്‌ക്ക് മറിച്ചുകൊടുത്തും ഇയാള്‍ വന്‍ തോതില്‍ കള്ളപ്പണ്ണം ഉണ്ടാക്കുന്നതായും നാട്ടുകാര്‍ പറയുന്നു. കടപ്പുറം കേന്ദ്രീകരിച്ച് കൗണ്‍സിലറുടെ നേതൃത്വത്തില്‍ മണലടിക്കുന്നതിനുള്ള പ്രത്യേക സൊസൈറ്റി രഹസ്യമായി രൂപീകരിച്ചിട്ടുണ്ട്. കസബ കടപ്പുറം കേന്ദ്രീകരിച്ചുള്ള മണല്‍ കടത്തിന് രഹസ്യമായി ഒത്താശ ചെയ്യുന്നതും ഇയാളാണ്.
ദിവസങ്ങള്‍ക്ക് മുമ്പ് ലഹരി ഉപയോഗത്തെ തുടര്‍ന്ന് പോലീസ് പിടിയിലായ ചില ഗുണ്ടകളെ യുഡിഎഫ് കൗണ്‍സിലറുടെ നേതൃത്വത്തില്‍ പോലീസ് സ്റ്റേഷനില്‍ നിന്ന് ഇറക്കിയിരുന്നു.
യുവാക്കളെ ലക്ഷ്യമിട്ട് വന്‍ തോതില്‍ കഞ്ചാവ് മദ്യവില്‍പ്പന ഇവിടങ്ങളില്‍ നടക്കുന്നതായാണ് നാട്ടുകാരുടെ പരാതി. പ്രദേശത്തെ സാധാരണ നിലയിലേക്ക് കൊണ്ടുവരാന്‍ അധികൃതര്‍ ശ്രദ്ധിക്കണമെന്നും ഇത്തരം മാഫിയകള്‍ക്കെതിരെ ശക്തമായ നടപടി എടുത്തില്ലെങ്കില്‍ മറ്റുസമര പരിപാടികളുമായി മുന്നോട്ടുപോകുമെന്നും ബിജെപി കടപ്പുറം ബൂത്ത് കമ്മറ്റി അറിയിച്ചു.
പ്രതികരിക്കാൻ ഇവിടെ എഴുതുക: