എരുമേലി: എരുമേലി എം.ഇ.എസ് കോജേളിലെ വിദ്യാര്‍ത്ഥികള്‍ തമ്മിലടിച്ചു. ഏറ്റുമുട്ടലില്‍ വിദ്യാര്‍ത്ഥികളില്‍ ചിലര്‍ക്ക് പരിക്കേറ്റു. ഏറ്റുമുട്ടല്‍ കോമ്പൗണ്ടിന് പുറത്തെത്തിയതോടെ പോലീസ് ലാത്തി വീശി. വ്യാഴാഴ്ച വൈകുന്നേരം നാലുമണിയോടെയായിരുന്നു സംഭവം. കഴിഞ്ഞ രണ്ടു ദിവസങ്ങളിലായി കോളേജില്‍ നടന്ന ഇന്റര്‍ കൊളീജിയറ്റ് ടെക്‌നോ കള്‍ച്ചറല്‍ ഫെസ്റ്റിന്റെ അവസാന ദിവസമായ വ്യാഴാഴ്ച വിദ്യാര്‍ത്ഥികള്‍ സംഘം തിരിഞ്ഞ് ഏറ്റുമുട്ടുകയായിരുന്നു. രണ്ടു ബാച്ചുകളില്‍ പെട്ട വിദ്യാര്‍ത്ഥികള്‍ തമ്മിലുളള വാക്കേറ്റം പിന്നീട് ഏറ്റുമുട്ടലില്‍ കലാശിക്കുകയായിരുന്നു. സംഘര്‍ഷം രൂക്ഷമായതോടെ വീട്ടില്‍ പോവാനാവാതെ ദുരിതത്തിലായ വിദ്യാര്‍ത്ഥിനികളെ തീര്‍ത്ഥാടകര്‍ വന്ന പമ്പ ബസ്സില്‍ കയറ്റിയാണ് തൊട്ടടുത്ത ബസ് സ്റ്റോപ്പിലെത്തിച്ചത്. സംഭവമറിഞ്ഞ് എരുമേലി പോലീസ് സ്ഥലത്തെത്തി വിദ്യാര്‍ത്ഥികളോട് പിരിഞ്ഞു പോകുവാന്‍ ആവശ്യപ്പെട്ടു. സംഘര്‍ഷം കോളേജ് കാമ്പസിന് പുറത്തെത്തിയതോടെയാണ് പോലീസ് ഇടപെട്ടത്. ഇതിനിടെ പോലീസിനു നേരെയും വിദ്യാര്‍ത്ഥികള്‍ തിരിഞ്ഞതോടെയാണ് പോലീസ് ലാത്തി വീശിയത്.
Saturday, November 2, 2024
എരുമേലിയില്‍ വിദ്യാര്‍ത്ഥികള്‍ ഏറ്റുമുട്ടി; പോലീസ് ലാത്തി വീശി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: