കരിങ്കുന്നം : മൊബൈല്‍ ഫോണും പതിനായിരത്തോളം രൂപയും എ.റ്റി.എം കാര്‍ഡും കവര്‍ന്ന യുവാവ് അറസ്റ്റില്‍. കാരിക്കോട് കുമ്മംകല്ല് തൊട്ടിപ്പറമ്പില്‍ അമീന്‍ (30)നെയാണ് കരിങ്കുന്നം പോലീസ് അറസ്റ്റു ചെയ്തത്. കരിങ്കുന്നം സ്വദേശി അരുള്‍ദാസിന്റെ പണിക്കാര്‍ താമസിക്കുന്ന വീട്ടില്‍ സൂക്ഷിച്ചിരുന്ന പതിനായിരം രൂപ വിലവരുന്ന രണ്ട് മൊബൈല്‍ഫോണുകള്‍ 9800 രൂപ, എ.റ്റി.എം കാര്‍ഡ് എന്നിവയാണ് പ്രതി കവര്‍ന്നത്.
പരാതിയെത്തുടര്‍ന്ന് സൈബര്‍ സെല്ലിന്റെ നേതൃത്വത്തില്‍ നടത്തിയ അന്വേഷണത്തിലാണ് പ്രതി പിടിയിലായത്. കുമ്മംകല്ലില്‍ നിന്നാണ് അമീനെ കസ്റ്റഡിയിലെടുത്തത്. ഇയാള്‍ക്കെതിരെ തൊടുപുഴ പോലീസ് സ്റ്റേഷനില്‍ മൂന്നോളം മോഷണക്കേസുകളുണ്ടെന്ന് പോലീസ് അറിയിച്ചു. മോഷ്ടിച്ച ഒരു മൊബൈല്‍ഫോണ്‍ മാത്രമാണ് പിടികൂടാനായത്. കോടതിയില്‍ ഹാജരാക്കി പ്രതിയെ റിമാന്റ് ചെയ്തു. തുടരന്വേഷണത്തിനായി പ്രതിയെ കസ്റ്റഡിയില്‍ വാങ്ങാനുള്ള നടപടികളും പോലീസ് നീക്കിത്തുടങ്ങിയിട്ടുണ്ട്.
പ്രതികരിക്കാൻ ഇവിടെ എഴുതുക: