പെയിന്റിങ് തൊഴിലാളിയെ മുഖംമൂടി സംഘം വെട്ടിപരിക്കേല്‍പ്പിച്ചു

കായംകുളം: ജോലികഴിഞ്ഞ് വീട്ടിലേക്ക് മടങ്ങിയ പെയിന്റിങ് തൊഴിലാളിയെ അഞ്ചംഗ മുഖംമൂടി സംഘം വെട്ടിപരിക്കേല്‍പ്പിച്ചു. മുതുകുളം തെക്ക് ബിനുഭവനത്തില്‍ ബിനു (25)നാണ് വെട്ടേറ്റത്. മുതുകുളം ഐശ്വര്യപ്രദായിനി സ്‌കൂളിന് സമീപം കഴിഞ്ഞ ദിവസം രാത്രി ഏഴോടെയാണ് സംഭവം. കൈക്കും പുറത്തും വെട്ടേറ്റ ഇയാളെ നാട്ടുകാര്‍ കായംകുളം സര്‍ക്കാര്‍ ആശുപത്രിയില്‍ പ്രവേശിപ്പിച്ചു. കനകക്കുന്ന് പോലീസ് കേസെടുത്തു.