ചേര്‍ത്തല: ഓടിക്കൊണ്ടിരുന്ന കാറിന് മുകളില്‍ മരം വീണു. വാഹനം ഓടിച്ചിരുന്ന ഉടമ അത്ഭുതകരമായി രക്ഷപ്പെട്ടു. ദേശീയപാതയില്‍ മായിത്തറക്ക് സമീപം തിങ്കളാഴ്ച രാവിലെ എട്ടോടെയായിരുന്നു സംഭവം. കുത്തിയതോട്ടില്‍ നിന്ന് ആലപ്പുഴയിലേക്ക് പോകുകയായിരുന്ന കാറിലാണ് മരം വീണത്. മുകള്‍ ഭാഗം പൂര്‍ണമായി തകര്‍ന്ന വാഹനം ഓടിച്ചിരുന്ന കുത്തിയതോട് സ്വദേശി റോയി പരിക്കേല്‍ക്കാതെ രക്ഷപെടുകയായിരുന്നു. ഇതേ തുടര്‍ന്ന് അരമണിക്കൂറോളം ദേശീയപാതയില്‍ ഗതാഗതം മുടങ്ങി. ഫയര്‍ഫോഴ്‌സെത്തി മരം മുറിച്ച് മാറ്റിയ ശേഷമാണ് ഗതാഗതം പുനരാരംഭിച്ചത്.
Saturday, November 23, 2024
കാറിന് മുകളില്‍ മരം വീണു; ഉടമ രക്ഷപ്പെട്ടു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: