ചാത്തനാട് ഭാഗത്ത് ശുദ്ധജലം ലഭിക്കുന്നില്ലെന്ന് പരാതി

ആലപ്പുഴ: ചാത്തനാട് വാര്‍ഡില്‍ കൊത്തുപറമ്പില്‍ ഭാഗത്ത് കഴിഞ്ഞ രണ്ടുമാസമായി കുടിവെള്ളം ലഭിക്കുന്നില്ല. ഈ ഭാഗത്തുള്ള ഗാര്‍ഹിക കണക്ഷനുകളിലും വെള്ളം കിട്ടുന്നില്ല. ആകെയുള്ള ഒന്നോ രണ്ടോ പൊതുടാപ്പുകളില്‍ വല്ലപ്പോഴും വരുന്ന വെള്ളത്തിന് വേണ്ടി നീണ്ട നിരയാണ്. മുന്‍കൂറായും മാസം തോറും കൃത്യമായി വെള്ളക്കരം നല്‍കുന്നവര്‍ പോലും ഇങ്ങനെ ക്യൂ നില്‍ക്കേണ്ട അവസ്ഥയാണ്. വാട്ടര്‍ അതോറിറ്റിയില്‍ രേഖാമൂലം നിരവധി പരാതികള്‍ നല്‍കിയെങ്കിലും നാളിതുവരെയായി യാതൊരു പ്രതികരണവുമില്ല.