ആലപ്പുഴ: അമിതവേഗതയില്‍ എത്തിയ ബൈക്ക് ഇടിച്ച് ആശുപത്രി ജീവനക്കാരിക്ക് പരിക്ക്. ഇവരെ വണ്ടാനം മെഡിക്കല്‍ കോളേജ് ആശുപത്രിയിലും ഗുരുതരാവസ്ഥയെ തുടര്‍ന്ന് എറണാകുളത്തെ സ്വകാര്യ ആശുപത്രിയിലും പ്രവേശിച്ചു. ആലപ്പുഴ മെഡിക്കല്‍ കോളേജ് ആശുപത്രിയിലെ ഫസ്റ്റ് ഗ്രേഡ് നഴ്‌സിങ് അസിസ്റ്റന്റ് എറണാകുളം കാക്കനാട് പടമുകള്‍ പഠനാട്ടുവീട്ടില്‍ ബീച്ച (42)യെയാണ് ആശുപത്രിയില്‍ പ്രവേശിപ്പിച്ചത്. വ്യാഴാഴ്ച രാവിലെ പതിനൊന്നരയോടെ ദേശീയപാതയില്‍ മെഡിക്കല്‍ കോളേജിന് സമീപമായിരുന്നു അപകടം. റോഡരികില്‍ നില്‍ക്കുകയായിരുന്നു ഇവരെ വിദ്യാര്‍ത്ഥികള്‍ സഞ്ചരിച്ച ബൈക്ക് ഇടിക്കുകയായിരുന്നു. തുടര്‍ന്ന് തെറിച്ചുവീണ ഇവരുടെ ഇടതുകാല്‍ മൂന്നായി ഒടിഞ്ഞുതൂങ്ങി.മെഡിക്കല്‍ കോളേജ് ആശുപത്രിയില്‍ എത്തിച്ച ഇവരുടെ അവസ്ഥ ഗുരുതരമായതിനാല്‍ ഇവിടെ നിന്നും സ്വകാര്യ ആശുപത്രിയിലേക്ക് മാറ്റി.
ബൈക്ക് ഇടിച്ച് ആശുപത്രി ജീവനക്കാരിക്ക് പരിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: