ചെങ്ങന്നൂര്‍: ടയറിന്റെ പഞ്ചര്‍ ഒട്ടിക്കുന്നതിനിടയില്‍ ഡിസ്‌ക്ക് ഊരിത്തെറിച്ച് വര്‍ക് ഷോപ്പ് ഉടമയ്ക്ക് ഗുരുതരമായി പരുക്കോറ്റു. മുളക്കുഴ പെരിങ്ങാല വാട്ടയം പറയന്‍ വീട് പുതുപ്പുരയിടത്തില്‍ സുകു (44) വിനാണ് ഗുരുതരമായി പരിക്കേറ്റത്. ബുധനാഴ്ച ഉച്ചയ്‌ക്ക് രണ്ടരയോടെയാണ് മുളക്കുഴ കാണിക്കമണ്ഡപത്തിന് സമീപമുളള പഞ്ചര്‍ വര്‍ക് ഷോപ്പിലായിരുന്നു സംഭവം. കെട്ടിട നിര്‍മ്മാണ സാധനങ്ങള്‍ പണിസ്ഥലത്തേക്ക് കെണ്ടുപോകുന്ന തള്ളുവണ്ടിയുടെ ടയര്‍ പഞ്ചര്‍ ഒട്ടിച്ച ശേഷം കാറ്റടിക്കാന്‍ ശ്രമിക്കുമ്പോള്‍ ഡിസ്‌ക്ക് ഊരിത്തെറിച്ച് സുകുവിന്റെ മുഖത്തടിക്കുകയായിരുന്നു. കണ്ണിനും മൂക്കിനും ഗുരുതരമായി പരിക്കേറ്റ സുകുവിനെ ആലപ്പുഴ മെഡിക്കല്‍ കോളേജ് ആശുപത്രിയിലും പിന്നീട് തിരുവല്ലയിലെ സ്വകാര്യ മെഡിക്കല്‍ കോളേജ് ആശുപത്രിയിലേക്കും മാറ്റി.
Saturday, November 23, 2024
പഞ്ചര്‍ ഒട്ടിക്കുന്നതിനിടെ ഡിസ്‌ക്ക് ഊരിത്തെറിച്ച് വര്‍ക് ഷോപ്പ് ഉടമയ്ക്ക് ഗുരുതര പരിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: