ചെങ്ങന്നൂര്‍: കോളനിയില്‍ സാമൂഹ്യവിരുദ്ധരുടെ ആക്രമണത്തില്‍ വാഹനവും, ചെടികളും നശിപ്പിച്ചതായി ചെങ്ങന്നൂര്‍ പോലീസില്‍ പരാതി. പാണ്ടവന്‍പാറ ആലംമ്പള്ളിത്തറ കോളനിയില്‍ രാഹുല്‍ (25), അയല്‍വാസി രത്‌നമ്മ എന്നിവരാണ് പരാതി നല്‍കിയത്. കഴിഞ്ഞ ദിവസം രാത്രിയില്‍ എത്തിയ അക്രമികള്‍ രാഹുലിന്റെ വീടിന് സമീപം വച്ചിരുന്ന ബൈക്കിന്റെ നമ്പര്‍ പ്ലേറ്റ്, ബ്രേക്ക് എന്നിവ നശിപ്പിക്കുകയും, വാഹനത്തിന്റെ ചില്ലുകള്‍ മോഷ്ട്ടിക്കുകയുമായിരുന്നു. കൂടാതെ വീട്ടുകാര്‍ വാതില്‍ തുറക്കുമ്പോള്‍ അപകടം ഉണ്ടാകുന്നതിനായി അമ്മിക്കല്ല് വാതിലിന് മുകളില്‍ വയ്‌ക്കുകയും ചെയ്തിട്ടുണ്ട്. രത്‌നമ്മയുടെ വീട്ടില്‍ എത്തിയ അക്രമികള്‍ ഇവിടെയുണ്ടായിരുന്ന ചെടികളും ചെടിച്ചട്ടികളും നശിപ്പിച്ചിട്ടുണ്ട്. പോലീസ് അന്വേഷണം ആരംഭിച്ചു.
Saturday, November 23, 2024
സാമൂഹ്യവിരുദ്ധര്‍ ആക്രമിച്ചതായി പരാതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: