ചേര്‍ത്തല: കണ്ണൂരില്‍ നടക്കുന്ന കൊലപാതകങ്ങള്‍ക്ക് ഉത്തരവാദി സിപിഎം സംസ്ഥാന സെക്രട്ടറി പിണറായി വിജയനാണെന്ന് ബിജെപി ദേശീയ നിര്‍വാഹകസമിതി അംഗം ശോഭാ സുരേന്ദ്രന്‍. ബിജെപി തുറവൂര്‍ പഞ്ചായത്ത് കമ്മറ്റിയുടെ കിഴക്കന്‍ മേഖലാ കുടുംബസംഗമം ഉദ്ഘാടനം ചെയ്തു സംസാരിക്കുകയായിരുന്നു അവര്‍.
കണ്ണൂരില്‍ സിപിഎമ്മിന്റെ അടിത്തറ ഇളകിത്തുടങ്ങി എന്ന് മനസിലാക്കിയ സഖാക്കള്‍ സംഘപരിവാര്‍ പ്രസ്ഥാനങ്ങള്‍ക്കെതിരെ അക്രമം അഴിച്ചുവിടുകയാണ്. പ്രധാനമന്ത്രിയെ പിന്തുടര്‍ന്ന് ചൂലുമായി സ്വച്ഛ് ഭാരത് അഭിയാനില്‍ സിപിഎമ്മുകാര്‍ പങ്കെടുത്തതിനെ സ്വാഗതം ചെയ്യുകയാണെന്നും അവര്‍ പറഞ്ഞു.
മോദി ഗുജറാത്ത് മുഖ്യമന്ത്രിയായിരുന്നപ്പോള്‍ ഷിബു ബേബി ജോണ്‍ അദ്ദേഹത്തെ കാണാന്‍പോയതിനെ വിമര്‍ശിച്ച പലരും ഇന്ന് മോദിയെ കാണാന്‍ ഇന്ദ്രപ്രസ്ഥത്തില്‍ കാത്തുകെട്ടിക്കിടക്കുകയാണെന്നും അവര്‍ കൂട്ടിച്ചേര്‍ത്തു. എന്‍.കെ. വിജയന്‍ അദ്ധ്യക്ഷത വഹിച്ചു. ആര്‍എസ്എസ് ശബരിഗിരി വിഭാഗ് കാര്യവാഹ് എല്‍. പദ്മകുമാര്‍, ആര്‍എസ്എസ് ജില്ലാ കാര്യവാഹ് എസ്. ജയകൃഷ്ണന്‍, ബിജെപി ജില്ലാ വൈസ് പ്രസിഡന്റ് സാനു സുധീന്ദ്രന്‍, നിയോജക മണ്ഡലം പ്രസിഡന്റ് ടി. സജീവ്‌ലാല്‍, പെരുമ്പളം ജയകുമാര്‍, അഡ്വ.ബി. ബാലാനന്ദ്, സി. മധുസൂദനന്‍, എസ്. ദിലീപ് കുമാര്‍, പി. ബാബു, ടി. അജിമോന്‍, എച്ച്. ജയകുമാര്‍, സന്തോഷ്‌കുമാര്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: