തുറവൂര്‍: സ്വകാര്യബസുകള്‍ വിദ്യാര്‍ത്ഥികളെ കയറ്റുന്നില്ലെന്ന് പരാതി ഉയരുന്നു. തുറവൂര്‍, എറണാകുളം റൂട്ടിലോടുന്ന സ്വകാര്യബസുകള്‍ക്കെതിരെയാണ് പരാതി ഉയര്‍ന്നിരിക്കുന്നത്. ടിഡി സ്‌കൂളിലെയും, മാസ്‌റ്റേഴ്‌സ് കോളേജിലെയും കുട്ടികള്‍ ക്ലാസ് കഴിഞ്ഞാല്‍ തുറവൂര്‍ ജങ്ഷനില്‍ നിന്നാണ് ബസ് കയറുന്നത്. എന്നാല്‍ ഇതു വഴി പോകുന്ന ബസുകള്‍ വിദ്യാര്‍ത്ഥികളെ കണ്ടുകഴിഞ്ഞാല്‍ ഒന്നുകില്‍ നിര്‍ത്താതെ പോകുകയോ അല്ലെങ്കില്‍ ഇവരെ ബസില്‍ കയറ്റാതിരിക്കുകയോയാണ് പതിവ്. ബസിനു പുറകേ ഓടി വിദ്യാര്‍ത്ഥികള്‍ക്ക് അപകടം പറ്റുന്നത് ഇവിടെ നിത്യസംഭവമായി. അര മണിക്കൂര്‍ കൊണ്ട് വീട്ടിലെത്തേണ്ടവര്‍ രണ്ട് മണിക്കൂര്‍ വരെ ബസ് സ്‌റ്റോപ്പില്‍ നില്‍ക്കേണ്ടി വരുന്നു. ഇവിടെ സ്‌കൂള്‍ വിടുന്ന സമയങ്ങളില്‍ പോലീസിന്റെ സേവനം ലഭ്യമാക്കണമെന്ന് നാട്ടുകാര്‍ ആവശ്യപ്പെട്ടു.
സ്വകാര്യ ബസുകളില്‍ വിദ്യാര്‍ത്ഥികളെ കയറ്റുന്നില്ല
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: