തകര്‍ന്നു വീണ സനല്‍കുമാറിന്റെ വീട്
തകഴി: തകഴിയില്‍ വീട് തകര്‍ന്ന് വീണ് യുവാവിന് പരിക്ക്. മറ്റുള്ളവര്‍ അത്ഭുതകരമായി രക്ഷപെട്ടു. തകഴി പഞ്ചായത്ത് പത്താം വാര്‍ഡ് വാളംപറമ്പില്‍ സനല്‍കുമാറിന്റെ വീടാണ് തകര്‍ന്നു വീണത്. വീടിനുള്ളില്‍ ഉറങ്ങിക്കിടക്കുകയായിരുന്ന സനല്‍കുമാറിന്റെ മകന്‍ മനോജി (18)ന്റെ കാലുകളില്‍ സ്ലാബ് അടര്‍ന്നുവീണാണ് പരിക്കേറ്റത്. മറ്റുള്ളവര്‍ ശബ്ദം കേട്ട് പുറത്തേക്ക് ഓടുകയായിരുന്നു. വീടിന്റെ ഭിത്തി തകര്‍ന്ന് മേല്‍ക്കൂര ഇടിഞ്ഞുവീഴുകയായിരുന്നു. മുകളില്‍ ഷീറ്റുമേഞ്ഞ വീടാണ് തകര്‍ന്നത്. നിര്‍ധന കുടുംബത്തില്‍പ്പെട്ട സനല്‍കുമാര്‍ വീട് പുതുക്കിപ്പണിയുന്നതിനായി നിരവധിതവണ പഞ്ചായത്തില്‍ അപേക്ഷ നല്‍കിയെങ്കിലും രാഷ്‌ട്രീയ ഇടപെടലിനെ തുടര്‍ന്ന് ഒഴിവാക്കുകയായിരുന്നു. വീട് തകര്‍ന്നതോടെ കയറിക്കിടക്കാന്‍ മറ്റു മാര്‍ഗമില്ലാതെ സനല്‍കുമാറും കുടുംബവും ദുരിതത്തിലായി.
പ്രതികരിക്കാൻ ഇവിടെ എഴുതുക: