മുഹമ്മ: മറ്റുകാക്കകള്‍ കൊത്തിയോടിച്ച അപൂര്‍വ അതിഥിക്ക് പുരുഷന്റെ അഭയം. കൂട്ടക്കാരായ സ്വവര്‍ഗത്തില്‍പ്പെട്ടവര്‍ തിരഞ്ഞുപിടിച്ച് ആക്രമിക്കുന്നതിനിടെയാണ് നാട്ടുകാരനായ മുഹമ്മ 13-ാം വാര്‍ഡ് തൈവീട്ടില്‍ ടി.എന്‍. പുരുഷന്റെ ശ്രദ്ധയില്‍ വെള്ളക്കാക്ക പെടുന്നത്. വെളുത്തവനെ അംഗീകരിക്കാന്‍ കറുത്ത കാക്കകള്‍ തയാറായില്ല. ഇതേത്തുടര്‍ന്നാണ് നാട്ടിലെത്തിയ അതിഥിയെ കറുത്ത വര്‍ഗക്കാരായ കാക്കകള്‍ ആക്രമിക്കാന്‍ തയാറായത്. മൂന്ന് ദിവസമായി വെള്ളക്കാക്ക പുരുഷന്റെ വീട്ടില്‍ സുഖമായി കഴിയുന്നു. ഇടയ്‌ക്ക് കാക്കയെ പുറത്തിറക്കിവിട്ടാല്‍ ആക്രമണകാരികള്‍ വീണ്ടുമെത്തിയതോടെ അതിഥി പുരുഷന്റെ വീട്ടില്‍ തിരിച്ചെത്തുന്നു. ചുണ്ടും ശരീരവും വെളുത്ത കാക്കയുടെ ശബ്ദത്തിന് മറ്റു കാക്കകളുമായി വ്യത്യാസമില്ല. നാട്ടില്‍ അപൂര്‍വമായ വെള്ളക്കാക്കയെ കാണാന്‍ നിരവധിപേരാണ് പുരുഷന്റെ വീട്ടിലെത്തുന്നത്.
Saturday, November 23, 2024
വെള്ളക്കാക്ക കൗതുകക്കാഴ്ചയാകുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: