കേരളാ സ്‌റ്റേറ്റ് പെന്‍ഷനേഴ്‌സ് സംഘ് ജില്ലാ സമ്മേളനം ഭാരത് രാജ് പെന്‍ഷനേഴ്‌സ് മഹാസംഘ് അഖിലേന്ത്യാ സെക്രട്ടറി സി.എച്ച്. സുരേഷ് ഉദ്ഘാടനം ചെയ്യുന്നു
ചേര്‍ത്തല: രാഷ്‌ട്രീയ ലക്ഷ്യത്തോടെ പ്രവര്‍ത്തിക്കുന്ന ഇടത് വലത് സര്‍വ്വീസ് സംഘടനകള്‍ ദേശീയത മറക്കുന്നുവെന്ന് ഭാരത് രാജ് പെന്‍ഷനേഴ്‌സ് മഹാസംഘ് അഖിലേന്ത്യാ സെക്രട്ടറി സി.എച്ച്. സുരേഷ്. കേരളാ സ്‌റ്റേറ്റ് പെന്‍ഷനേഴ്‌സ് സംഘ് ജില്ലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
കഷ്ടപ്പെടുന്ന പെന്‍ഷന്‍കാരെ സഹായിക്കുവാന്‍ ഒരു പദ്ധതിയും നടപ്പാക്കാത്ത ഏക സംസ്ഥാനം കേരളം മാത്രമാണ്. പെന്‍ഷന്‍ പരിഷ്‌ക്കരണം നടപ്പിലാക്കാത്തത് സര്‍ക്കാരിന്റെ അനാസ്ഥയാണ്.
ഇടത് വലത് ധൂര്‍ത്താണ് ഖജനാവ് കാലിയാകാന്‍ കാരണമെന്നും, ഇതിന്റെ പേരില്‍ പെന്‍ഷന്‍ തടസപ്പെടുത്താനുള്ള ഗൂഢ ശ്രമത്തെ ഏതുവിധേനയും തടസപ്പെടുത്തുമെന്നും അദ്ദേഹം പറഞ്ഞു. ജില്ലാ പ്രസിഡന്റ് ഡോ.ജെ. നരസിംഹ നായ്‌ക്ക് അദ്ധ്യക്ഷത വഹിച്ചു.
ആര്‍എസ്എസ് ജില്ലാ സംഘചാലക് എന്‍. കൃഷ്ണപൈ, അഡ്വ.ജി.എന്‍. നായര്‍, എസ്. സോളിമോന്‍, പി.കെ. വാസപ്പന്‍ നായര്‍, എന്‍. ചന്ദ്രന്‍ നെടുമ്പ്രക്കാട്, പി.ആര്‍. ബാലചന്ദ്രന്‍, കെ.കെ. പുരുഷന്‍, വി.ജി. സഹദേവന്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: