ചേര്‍ത്തല: വിദ്യാഭ്യാസ ഉപജില്ലാ ഗെയിംസ് മത്സരങ്ങള്‍ ഇന്ന് തുടങ്ങും. 26 മുതല്‍ ഒക്‌ടോബര്‍ രണ്ട് വരെ ചേര്‍ത്തലയിലെ വിവിധ സ്‌കൂളുകളിലും ഓഡിറ്റോറിയങ്ങളിലുമാണ് മത്സരം നടക്കുന്ന്ത്. 26ന് രാവിലെ എട്ടിന് പുത്തനമ്പലം ഭാഗ്യരാജ് ഇന്‍ഡോര്‍ സ്‌റ്റേഡിയത്തില്‍ ആണ്‍കുട്ടികളുടെ ഷട്ടില്‍ മത്സരങ്ങളും, എസ്എന്‍എംജിബിഎച്ച്എസ്എസില്‍ ചെസ് മത്സരവും നടക്കും.
27ന് ചേര്‍ത്തല ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ വോളിബോളും, എസ്എന്‍എംജിബിഎച്ച്എസ്എസില്‍ ഹാന്‍ഡ്‌ബോള്‍, കബഡി മത്സരങ്ങളും നടക്കും. അന്നു തന്നെ ഭാഗ്യരാജ് ഇന്‍ഡോര്‍ സ്‌റ്റേഡിയത്തില്‍ പെണ്‍കുട്ടികളുടെ ഷട്ടില്‍ മത്സരം ഉണ്ടാകും.
29, 30 തീയതികളില്‍ തിരുനല്ലൂര്‍ ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ സീനിയര്‍, ജൂനിയര്‍ ഫുട്‌ബോള്‍ മത്സരങ്ങളും, എന്‍എസ്എസ് കോളേജ് മൈതാനിയില്‍ ഒക്‌ടോബര്‍ രണ്ട്, മൂന്ന് തീയതികളില്‍ സീനിയര്‍, ജൂനിയര്‍ ക്രിക്കറ്റ് മല്‍സരങ്ങളും നടക്കും. ടീമുകള്‍ രാവിലെ 7.30ന് മത്സരങ്ങള്‍ നടക്കുന്ന മൈതാനിയില്‍ എത്തിച്ചേരണമെന്ന് കണ്‍വീനര്‍ അറിയിച്ചു.
പ്രതികരിക്കാൻ ഇവിടെ എഴുതുക: