ആലപ്പുഴ: ശ്രീകൃഷ്ണജയന്തി ആഘോഷങ്ങളുടെ ഭാഗമായി ബാലഗോകുലത്തിന്റെ നേതൃത്വത്തില്‍ സംഘടിപ്പിച്ച അഷ്ടമിരോഹിണി ശോഭായാത്ര ആര്യാട് കൈതത്തില്‍ ക്ഷേത്രത്തില്‍ പ്രവേശിപ്പിക്കാതെ തടഞ്ഞ ക്ഷേത്ര ഭരണസമിതി, സിപിഎം, പോലീസ് നടപടിയില്‍ പ്രതിഷേധിച്ച് സംഘപരിവാര്‍ സംഘടനകളുടെ നേതൃത്വത്തില്‍ പ്രകടനവും സമ്മേളനവും നടത്തും.
25ന് വൈകിട്ട് നാലിന് കോമളപുരത്ത് നടത്തുന്ന പ്രതിഷേധ സമ്മേളനം ഹിന്ദുഐക്യവേദി സംസ്ഥാന ജനറല്‍ സെക്രട്ടറി ഇ.എസ്. ബിജു ഉദ്ഘാടനം ചെയ്യും.
ആര്‍എസ്എസ് വിഭാഗ് കാര്യവാഹ് എല്‍. പത്മകുമാര്‍, ജില്ലാ കാര്യവാഹ് എസ്. ജയകൃഷ്ണന്‍, ബിജെപി ജില്ലാ പ്രസിഡന്റ് വെള്ളിയാകുളം പരമേശ്വരന്‍, വിശ്വഹിന്ദു പരിഷത്ത് വിഭാഗ് സംഘടനാ സെക്രട്ടറി കെ. ജയകുമാര്‍, ബിഎംഎസ് ജില്ലാ ജനറല്‍ സെക്രട്ടറി ബി. രാജശേഖരന്‍ എന്നിവര്‍ പ്രസംഗിക്കും. കോമളപുരത്ത് നിന്നും കൈതത്തില്‍ ക്ഷേത്രം വഴി നടക്കുന്ന മാര്‍ച്ചിന് ബിജെപി നിയോജക മണ്ഡലം പ്രസിഡന്റ് ആര്‍. ഉണ്ണികൃഷ്ണന്‍, ജനറല്‍ സെക്രട്ടറി ജി. മോഹനന്‍, ആര്‍എസ്എസ് കലവൂര്‍ താലൂക്ക് കാര്യവാഹ് ഓമനക്കുട്ടന്‍, ബിഎംഎസ് മേഖലാ സെക്രട്ടറി ലാലച്ചന്‍, ബിജെപി ആര്യാട് പഞ്ചായത്ത് കമ്മറ്റി പ്രസിഡന്റ് ജയരാജ്, റിനോഷ്, ശ്രീവത്സന്‍പിള്ള, കെ.പി. ബിനോയ് എന്നിവര്‍ നേതൃത്വം നല്‍കും.
പ്രതികരിക്കാൻ ഇവിടെ എഴുതുക: