എസ്ഡി കോളേജില്‍ ദ്വിദിന ദേശീയ സെമിനാര്‍

ആലപ്പുഴ: എസ്ഡി കോളേജിലെ കോമേഴ്‌സ് വിഭാഗം സാമ്പത്തിക സേവന മേഖലകളിലെ വെല്ലുവിളികളും സാദ്ധ്യതകളും എന്ന വിഷയത്തില്‍ യുജിസിയുടെ സാമ്പത്തിക സഹായത്തോടെ 25, 26 തീയതികളില്‍ ദേശീയ സെമിനാര്‍ സംഘടിപ്പിക്കും. സെമിനാര്‍ അറുപതില്‍പ്പരം പഠനങ്ങളിലൂടെ വിവിധ സാമ്പത്തിക, സേവന മേഖലകളില്‍ അടുത്തകാലത്ത് നിലവില്‍ വന്ന ഒട്ടനവധി സേവനങ്ങളെ പരിചയപ്പെടുത്തുകയും വിലയിരുത്തുകയും പോരായ്മകള്‍ ചൂണ്ടിക്കാണിക്കുകയും യോജ്യമായ പരിഹാരങ്ങള്‍ നിര്‍ദേശിക്കുകയും ചെയ്ത് ഈ സേവനങ്ങളെ പുനരാവിഷ്‌ക്കരിച്ച് സമൂഹനന്മയ്‌ക്കായി സമര്‍പ്പിക്കാന്‍ സഹായിക്കും. കോമേഴ്‌സുമായി ബന്ധപ്പെട്ട് ജില്ലയിലെ ഏക അംഗീകൃത റിസര്‍ച്ച് സെന്ററാണ് എസ്ഡി കോളേജിലെ കോമേഴ്‌സ് വിഭാഗം. 20 സ്‌കോളേഴ്‌സ് നിലവിലുണ്ട്. 25ന് രാവിലെ 9.30ന് ഗോള്‍ഡന്‍ ജൂബിലി ഓഡിറ്റോറിയത്തില്‍ കോളേജ് മാനേജര്‍ ജെ. കൃഷ്ണന്‍ ഉദ്ഘാടനം നിര്‍വഹിക്കും.