നടന്‍ മുരളിയുടെ അനുജന്‍ കെ.ജി ഹരികുമാര്‍, തിലകന്റെ മകന്‍ ഷോബി തിലകന്‍, കരമന ജനാര്‍ദ്ദനന്‍ നായരുടെ മകന്‍ സുധീര്‍ കരമന, മുകേഷിന്റെ മാതാവ് വിജയകുമാരി, പത്മരാജന്റെ അനന്തരവന്‍ ഹരീന്ദ്രനാഥ് എന്നിവര്‍ പ്രധാന വേഷത്തിലെത്തുന്ന ചിത്രമാണ് വെയിലും മഴയും. ചിലങ്ക മൂവിസിനുവേണ്ടി ശ്രീരാജന്‍.ആര്‍ നിര്‍മ്മിക്കുന്ന ഈ ചിത്രം മാധ്യമ പ്രവര്‍ത്തകനായ എന്‍. ഷൈജു സംവിധാനം ചെയ്യുന്നു. കൊട്ടാരക്കരയിലും പരിസരങ്ങളിലുമായി ചിത്രീകരണം പൂര്‍ത്തിയായി.
നഗരത്തിന്റെ തിരക്കില്‍ ആരും തിരിച്ചറിയപ്പെടാതെ ജീവിക്കുന്ന കുറെ മനുഷ്യജീവിതങ്ങളുടെ കഥ പറയുന്നു ഈ ചിത്രം. അനൂപ് ചന്ദ്രന്‍, ഹരികുമാര്‍ കെ.ജി, ഷോബി തിലകന്‍, ഫിറോസ് ഖാന്‍, ഹരീന്ദ്രനാഥ്, വിജയകുമാരി, മാനസി, താംബുവില്‍സന്‍ എന്നിവരും അഭിനയിക്കുന്നു.
രചന-ബാബു പള്ളാശ്ശേരി, ക്യാമറ-മിംഗിള്‍ മോഹന്‍, ഗാനങ്ങള്‍-പ്രമോദ് പയ്യന്നൂര്‍, സംഗീതം-എം.എ അശോകന്‍, ആലാപനം-സിത്തര, രാകേഷ് ബ്രഹ്മാനന്ദന്‍, കല-ജ്യോതിഷ് ശങ്കര്‍, എഡിറ്റര്‍-വിജയകുമാര്‍, പ്രൊഡക്ഷന്‍ കണ്‍ട്രോളര്‍-ശോഭന്‍ പുതുപ്പള്ളി, ഇഫക്ട്‌സ് – രാജ് മാര്‍ത്താണ്ഡം, ചീഫ് അസോസിയേറ്റ് ഡയറക്ടര്‍-ജയന്‍ കാര്യാട്ട്, പിആര്‍ഒ-അയ്മനം സാജന്‍, വിതരണം-അഫക്‌സ് ഫിലിംസ്.
പ്രതികരിക്കാൻ ഇവിടെ എഴുതുക: